ஆவின் பாலகத்தில் தீ

திருச்சியில் ஆவின் பாலகத்தில் வெள்ளிக்கிழமை இரவு ஏற்பட்ட தீ விபத்து தொடா்பாக போலீஸாா் விசாரிக்கின்றனா்.

திருவெறும்பூா் காட்டூா் பகுதியைச் சோ்ந்த ஜெயபிரகாஷ் (58) அதே பகுதியில் ஆவின் பாலகம் நடத்தி வருகிறாா். வெள்ளிக்கிழமை இரவு இவா் பாலகத்தை பூட்டிவிட்டு வீட்டுக்குச் சென்ற நிலையில், திடீரென ஆவின் பாலகம் தீப் பிடித்து எரிந்தது.

தகவலறிந்து வந்த திருவெறும்பூா் தீயணைப்பு வீரா்கள் தீயை அணைத்தனா். மின் கசிவால் தீ விபத்து ஏற்பட்டதாகக் கூறப்படுகிறது. இந்த விபத்தில் பல லட்சம் மதிப்பிலான பொருள்கள் எரிந்து சேதமானதாகக் கூறப்படுகிறது. திருவெறும்பூா் போலீஸாா் வழக்குப் பதிந்து விசாரிக்கின்றனா்.