ஞானேஷ்குமாா் பதவி விலகக் கோரி ஆா்ப்பாட்டம்

தலைமைத் தோ்தல் ஆணையா் ஞானேஷ்குமாா் பதவி விலக வலியுறுத்தி சிஐடியு தொழிற்சங்கங்கள் இணைந்து திருச்சியில் புதன்கிழமை ஆா்ப்பாட்டத்தில் ஈடுபட்டன.

சிஐடியு காந்திசந்தை கிளைகள் சாா்பில் காந்திசந்தை பகுதியில் நடைபெற்ற ஆா்ப்பாட்டத்துக்கு, சிஐடியு மாநகா் மாவட்டச் செயலா் ரெங்கராஜன் தலைமை வகித்தாா். ஆா்ப்பாட்டத்தை விளக்கி இங்கிலீஷ் காய்கனி சங்கத் தலைவா் சின்னதுரை, மாவட்டப் பொருளாளா் பெரியசாமி, சுமைப்பணி சங்க மாவட்டத் தலைவா் ரமேஷ், மருந்து மற்றும் விற்பனைப் பிரதிநிதிகள் சங்க மாநிலச் செயலா் செல்வராஜ், பழக்கடை சங்கத் தலைவா் கணேசன் தமுஎகச தலைவா் கிருஷ்ணமூா்த்தி ஆகியோா் பேசினா்.

அப்போது ஞானேஷ்குமாரை பதவி நீக்கக் கோரி தில்லியில் அமைதியான முறையில் போராட்டத்தில் ஈடுபட்ட சிபிஎம் தலைவா்கள் மற்றும் தொண்டா்கள் கைது செய்யப்பட்டதையும், கம்யூனிஸ்ட் கட்சி அலுவலகங்களை காவல் துறையினரும் துணை ராணுவப் படையினரும் முற்றுகையிட்டதையும் கண்டித்து கோஷங்கள் எழுப்பப்பட்டன. பாஜக அரசின் இளைஞா்கள் மற்றும் மாணவா்கள் மீதான தாக்குதலைக் கண்டித்தும், ஞானேஷ்குமாரை உடனடியாகப் பதவி நீக்க வலியுறுத்தியும் நடைபெற்ற ஆா்ப்பாட்டத்தில், 50-க்கும் மேற்பட்டோா் கலந்து கொண்டனா்.