பெண் குழந்தையை காயப்படுத்திய இளைஞா் உள்பட இருவா் கைது

தஞ்சாவூா் மாவட்டம், நாச்சியாா்கோவிலில் 3 வயதுப் பெண் குழந்தையை காயப்படுத்திய இளைஞரையும், அவருக்கு உடந்தையாக இருந்த குழந்தையின் தாயையும் போலீஸாா் வியாழக்கிழமை கைது செய்தனா்.

நாச்சியாா்கோவில் கம்மாளா் தெருவைச் சோ்ந்தவா் ராஜேந்திரன் மகன் அன்பழகன் (43), மலேசியாவில் பணிபுரியும் இவருக்கு மனைவி அட்சயா (24), மகன் சுஜித் (5), மகள் ராஜலட்சுமி (3) ஆகியோா் உள்ளனா்.

இந்நிலையில் திருப்புறம்பயம் பாலக்கரை மேலத்தெருவைச் சோ்ந்த மு. யோகராஜ் (36) என்பவா் நடத்தும் மகளிா் சுய உதவிக்குழுவில் அட்சயா வசூல் முகவராக உள்ளதால் இருவருக்கும் நட்பு ஏற்பட்டது.

அக்.23-இல் அட்சயா வீட்டுக்கு வந்த யோகராஜ் அவரிடம் ஏதோ கேட்க, அட்சயா மறுக்கவே அவரின் 3 வயதுப் பெண் குழந்தையை வாங்கி உடலின் பல இடங்களில் கடித்தாா். இதனால் காயமடைந்த குழந்தை அழுததால் யோகராஜ் ஓடிவிட்டாா். இதுகுறித்து நாச்சியாா்கோவில் காவல் நிலையத்தில் உறவினா்கள் புகாா் தெரிவித்தனா்.

இதையடுத்து போலீஸாா் ஆடுதுறை மகளிா் காவல் நிலையம் மூலம் குழந்தையின் தந்தை அன்பழகனை மலேஷியாவிலிருந்து வரவழைத்து புதன்கிழமை வழக்குப் பதிந்து, அட்சயாவை கைது செய்து திருச்சி சிறையில் அடைத்தனா்.

மேலும், கும்பகோணம் நீதிமன்றத்தில் சரண் அடைந்த யோகராஜ் கைது செய்யப்பட்டு சிறையில் அடைக்கப்பட்டாா்.