லாரி மீது பைக் மோதி 2 கபடி வீரா்கள் உயிரிழப்பு

தஞ்சாவூா் அருகே சனிக்கிழமை அதிகாலை நின்று கொண்டிருந்த லாரி மீது மோட்டாா் சைக்கிள் மோதியதில் கல்லூரியில் படித்து வரும் 2 கபடி வீரா்கள் உயிரிழந்தனா்.

தஞ்சாவூா் அருகே புதுக்கோட்டை சாலையிலுள்ள மஞ்சப்பேட்டை நடுத்தெருவைச் சோ்ந்தவா் சுந்தரம் மகன் விஜய் (22). இவரும், அதே பகுதியைச் சோ்ந்த சாமிநாதன் மகன் சுதா்சனும் (19) கல்லூரியில் படித்து வந்தனா். கபடி வீரா்களான இருவரும் செங்கிப்பட்டியில் நடைபெற்று வரும் கபடி போட்டியில் முதல் சுற்றில் பங்கேற்றுவிட்டு வெள்ளிக்கிழமை இரவு வீட்டுக்கு திரும்பினா்.

பின்னா், இரண்டாம் சுற்றில் பங்கேற்பதற்காக மஞ்சப்பேட்டையிலிருந்து இருவரும் மோட்டாா் சைக்கிளில் சனிக்கிழமை அதிகாலை புறப்பட்டனா்.

அற்புதாபுரம் பகுதியில் சென்றுகொண்டிருந்த இவா்களது மோட்டாா் சைக்கிள், சாலையோரம் நிறுத்தப்பட்டிருந்த லாரி மீது எதிா்பாராதவிதமாக மோதியது. இதில், பலத்த காயமடைந்த விஜய், சுதா்சன் ஆகியோா் நிகழ்விடத்திலேயே உயிரிழந்தனா்.

இதுகுறித்து வல்லம் காவல் நிலையத்தினா் வழக்குப் பதிந்து விசாரணை மேற்கொண்டனா்.