ஆட்டோ மீது லாரி மோதல்:ஓட்டுநா் உயிரிழப்பு

தஞ்சாவூா் மாவட்டம், திருவையாறு அருகே ஆட்டோ மீது லாரி மோதியதில் பலத்த காயமடைந்த ஓட்டுநா் ஞாயிற்றுக்கிழமை உயிரிழந்தாா்.

திண்டுக்கல் மாவட்டம், பழனி ராஜீவ் நகரைச் சோ்ந்தவா் நாகராஜ் மனைவி மணியம்மாள். இவா் தஞ்சாவூா் அருகே வல்லம் அரசு மாதிரி பள்ளியில் 3 ஆண்டுகளாக வேலை பாா்த்து வருகிறாா். இவா் சனிக்கிழமை வல்லத்திலிருந்து திருவையாறுக்கு ஆட்டோவில் சாப்பாடு ஏற்றிச் சென்று கொண்டிருந்தாா்.

ஆட்டோவை வல்லம் அண்ணா நகரைச் சோ்ந்த மாலிக் மகன் சையது ரிஸ்வான் (22) ஓட்டிச் சென்றாா். அம்மன்பேட்டை அருகே சென்ற ஆட்டோ மீது எதிரே வந்த லாரி மோதியது. இதனால் பலத்த காயமடைந்த மணியம்மாள், சையது ரிஸ்வான் ஆகியோா் தஞ்சாவூா் மருத்துவக் கல்லூரி மருத்துவமனையில் சோ்க்கப்பட்டனா்.

இவா்களில் சையது ரிஸ்வான் ஞாயிற்றுக்கிழமை உயிரிழந்தாா். மணியம்மாள் தொடா்ந்து சிகிச்சை பெற்று வருகிறாா். இது குறித்து நடுக்காவேரி காவல் நிலையத்தினா் வழக்குப் பதிந்து விசாரணை மேற்கொண்டனா்.