கொசுப்புழு உற்பத்தி நிலைகள் அகற்றம்

புதுக்கோட்டை மாநகராட்சிப் பகுதிகளில் நடைபெற்று வரும் பொது சுகாதாரப் பணிகளை, கொசுப்புழு உற்பத்தி நிலைகளை மாநகராட்சி ஆணையா் எம். காந்திராஜ் செவ்வாய்க்கிழமை பாா்வையிட்டு ஆய்வு செய்தாா்.

டெங்கு உள்ளிட்ட காய்ச்சல் பரவிவரும் நிலையில், கொசுப்புழுக்கள் உற்பத்தியாகும் சூழலில் தண்ணீா் தேங்கும் வகையிலான பொருள்களை அகற்றும் பணியையும் மாநகராட்சிப் பணியாளா்கள் மேற்கொண்டு வருகின்றனா்.

எனவே, டயா்கள் உள்ளிட்ட தேவையற்ற குப்பைகளை அகற்ற வேண்டும் என்றும் அறிவுறுத்தப்பட்டு வருகிறது. இந்த நிலையில், செவ்வாய்க்கிழமை 3-ஆவது வாா்டு வஉசி நகா்ப் பகுதியில் மேற் கொள்ளப்பட்டு வரும் பணிகளை ஆணையா் எம். காந்திராஜ் நேரில் பாா்வையிட்டாா்.

கொசு பெருகுவதற்கு ஏதுவாக வீடுகளில் இதுபோன்ற குப்பைகளை சேகரித்து வைத்திருந்தால் அந்த வீடுகளின் குடிநீா் இணைப்பு துண்டிக்கப்படும் என்றும் ஆணையா் எச்சரிக்கை விடுத்தாா்.

அதேபோல, மக்கள் குப்பைகளை தரம் பிரித்து மாநகராட்சிப் பணியாளா்களிடம் வழங்க வேண்டும் என்றும் அறிவுரை வழங்கினாா். அப்போது மாநகராட்சி நகா்நல அலுவலா் எஸ். காயத்ரி உள்ளிட்டோா் உடனிருந்தனா்.