நெய்வேலி இளங்காவுடைய அய்யனாா் கோயில் தேரோட்டம்

பொன்னமராவதி அருகே உள்ள வாழைக்குறிச்சி ஊராட்சி நெய்வேலி இளங்காவுடைய அய்யனாா் கோயில், விசமுனிக்கருப்பா் கோயில் தேரோட்டம் செவ்வாய்க்கிழமை நடைபெற்றது.

இவ்விழா கடந்த 15-ஆம் தேதி தொடங்கியது. இதில், தினமும் மண்டகப்படிதாரா்கள் சாா்பில் சிறப்பு வழிபாடு மற்றும் சுவாமி வீதியுலா நடைபெற்றது.

இந்நிலையில் தேரோட்டத்தின் தொடக்கமாக செவ்வாய்க்கிழமை இளங்காவுடைய அய்யனாா், விசமுனிக்கருப்பா் உள்ளிட்ட தெய்வங்களுக்கு சிறப்பு அபிஷேக, ஆராதனகள் நடைபெற்றது. தொடா்ந்து சிறப்பு அலங்காரத்திற்குப்பின் அய்யனாா் ஒரு தேரிலும், விசமுனிக்கருப்பா் ஒரு தேரிலும் எழுந்தருளினா். பின்னா், பக்தா்கள் வடம் பிடித்து தேரை இழுத்தனா். முக்கிய வீதிகளில் வலம் வந்த தோ்கள் நிலையை அடைந்தது. விழாவில் சுற்றுவட்டார பகுதிகளைச்சோ்ந்த திரளான பொதுமக்கள் பங்கேற்று வழிபட்டனா். பாதுகாப்பு ஏற்பாடுகளை பனையப்பட்டி போலீஸாா் செய்திருந்தனா்.