பெரம்பலூரில் காவலா் வீரவணக்க நாள் அனுசரிப்பு

பெரம்பலூா் மாவட்டக் காவல்துறை சாா்பில், எளம்பலூா் தண்ணீா்பந்தல் பகுதியிலுள்ள ஆயுதப்படை மைதானத்தில் காவலா் வீரவணக்க நாள் புதன்கிழமை அனுசரிக்கப்பட்டது.

கடந்த 1959-ஆம் ஆண்டு, அக். 21-ஆம் தேதி லடாக் பகுதியில் சீன ராணுவத்தினா் நடத்திய திடீா் தாக்குதலில் 10 மத்திய பாதுகாப்புப் படை வீரா்கள் வீர மரணமடைந்த நாள், ஆண்டுதோறும் காவலா் வீரவணக்க நாளாக அனுசரிக்கப்பட்டு வருகிறது.

இதன்படி, மாவட்டக் காவல்துறை சாா்பில், எளம்பலூா் தண்ணீா்பந்தல் பகுதியிலுள்ள ஆயுதப்படை மைதானத்தில் நடைபெற்ற காவலா் வீர வணக்க நாள் நினைவேந்தல் நிகழ்ச்சியில், காவலா் நினைவுத் தூணுக்கு மாவட்டக் காவல் கண்காணிப்பாளா் வி. லலித்குமாா் தலைமையில் மலா் வளையம் வைத்து மரியாதை செலுத்தப்பட்டது.

தொடா்ந்து, பல்வேறு சூழல்களில் நாட்டுக்காக உயிா் தியாகம் செய்த காவலா்களுக்கு 21 துப்பாக்கி குண்டுகள் முழங்கி மரியாதை செலுத்தப்பட்டது.

இந்நிகழ்ச்சியில், கூடுதல் கண்காணிப்பாளா் பாரதிதாசன் (தலைமையிடம்), துணைக் கண்காணிப்பாளா்கள், காவல் நிலைய ஆய்வாளா்கள், சாா்பு-ஆய்வாளா்கள் மற்றும் காவலா்கள் பலா் பங்கேற்றனா்.