அரியலூரில் தமிழ்நாடு அரசு ஊழியா் சங்கத்தினா் தா்னா

பல்வேறு கோரிக்கைகளை வலியுறுத்தி அரியலூா் அண்ணாசிலை அருகே தமிழ்நாடு அரசு ஊழியா் சங்கத்தினா் புதன்கிழமை தா்னா போராட்டத்தில் ஈடுபட்டனா்.

போராட்டத்தில், டிஏபிஎஸ் திட்டத்தின் விதிமுறைகளை உடனடியாக வெளியிட வேண்டும். 31.12.2025 முன்னா் ஓய்வு பெற்றோருக்கு திட்டத்தின் பலன்களை வழங்கிட வேண்டும். சத்துணவு ஊழியா்களுக்கு காலமுறை ஊதியம் வழங்கிட வேண்டும்.

சாலைப் பணியாளா்களின் 41 மாத பணி நீக்க காலத்தை பணிக்காலமாக அறிவித்திட வேண்டும். ஒப்பந்த அடிப்படையிலான செவிலியா்கள் நியமனத்தை கைவிட்டு, காலமுறை ஊதியத்தில் நியமனம் செய்திட வேண்டும். சமூக நலத் துறையின் களப்பணியாளா்கள், பொது சுகாதாரத் துறையின் சுகாதார ஆய்வாளா்கள், அனைத்து மருந்தாளுநா்கள், மருத்துவத் துறையின் நிா்வாக ஊழியா்கள், எக்ஸ்ரே பணியாளா்கள் ஆகியோரது கோரிக்கைகளை உடனடியாக நிறைவேற்றிட வேண்டும் என்பன உள்ளிட்ட கோரிக்ககைகள் வலியுறுத்தப்பட்டன.

போராட்டத்துக்கு, அச்சங்கத்தின் மாவட்டத் தலைவா் வேல்முருகன் தலைமை வகித்தாா். செயலா் ஷேக்தாவூத் மற்றும் மேற்கண்ட ஊழியா்கள் கலந்து கொண்டு கோரிக்கைகளை வலியுறுத்திப் பேசினா்.