கோவில்பட்டியில் பைக்-லாரி மோதல்: முதியவா் உயிரிழப்பு

கோவில்பட்டி புறவழிச் சாலையில் இருசக்கர வாகனம்-லாரி மோதியதில் முதியவா் உயிரிழந்தாா்.

கோவில்பட்டி அருகே ஆவல்நத்தம், மேலத் தெருவைச் சோ்ந்த ஐயா சாமி மகன் மாரிமுத்து (61). இவா் கோவில்பட்டி புறவழிச் சாலையில் ஆவல்நத்தம் விலக்கு அருகே இருசக்கர வாகனத்தில் சாலையைக் கடக்க முயன்றபோது, கங்கைகொண்டானில் இருந்து வந்த லாரி இவா் வாகனம் மீது மோதியதில் நிகழ்விடத்திலேயே உயிரிழந்தாா்.

கோவில்பட்டி கிழக்கு காவல் நிலைய போலீஸாா் அவரது சடலத்தைக் கைப்பற்றி கோவில்பட்டி அரசு மருத்துவமனைக்கு கூறாய்வுக்காக அனுப்பி வைத்தனா். மேலும், வழக்குப் பதிந்து, தூத்துக்குடி முத்தையாபுரத்தைச் சோ்ந்த லாரி ஓட்டுநா் செ. செல்வகுமாரிடம் (32) விசாரித்து வருகின்றனா்.