கா்ப்பப்பை கட்டி அறுவைச் சிகிச்சை செய்த பெண் மரணம்: உறவினா்கள் மறியல்

தூத்துக்குடி மாவட்டம், நாசரேத் தனியாா் மருத்துவமனையில் கா்ப்பப்பை கட்டியை நீக்க ஆபரேஷன் செய்த பெண் உயிரிழந்ததால் உறவினா்கள் திங்கள்கிழமை சாலை மறியல் ஈடுபட்டனா்.

நாசரேத் அருகே உள்ள எழுவரைமுக்கியைச் சோ்ந்தவா் ரெத்தினராஜ் தொழிலாளி. இவரது மனைவி கன்னிமரியாள் (41). இத்தம்பதிக்கு இரு குழந்தைகள் உள்ளனா்.

கன்னிமரியாளுக்கு கா்ப்பப்பையில் இருந்த கட்டி நாசரேத்தில் உள்ள தனியாா் மருத்துவமனையில் கடந்த 8-ஆம் தேதி அறுவைச் சிகிச்சை செய்து அகற்றப்பட்டது. 10 ஆம்தேதி கன்னிமரியாளுக்கு உடல்நலக் குறைவு ஏற்பட்டது.

அவரை பரிசோதித்த மருத்துவா்கள் நெல்லை மருத்துவக் கல்லூரி அரசு மருத்துவமனைக்கு தீவிர சிகிச்சைக்கு அனுப்பிவைத்தனா். அங்கு சிகிச்சை பெற்று வந்த அவா் ஞாயிற்றுக்கிழமை இரவு உயிரிழந்தாா்.

அவருக்கு நாசரேத் தனியாா் மருத்துவமனையில் முறையான சிகிச்சை அளிக்கப்படவில்லை என்றும், மருத்துவ சிகிச்சையில் சந்தேகம் இருப்பதாகவும் கூறி தனியாா் மருத்துவமனையை மூட வலியுறுத்தி பெண்ணின் உறவினா்கள் நாசரேத் சந்திபஜாரில் சாலை மறியலில் ஈடுபட்டனா்.

இவா்களுக்கு ஆதரவாக விடுதலைச் சிறுத்தை கட்சி மாவட்டச் செயலாளா்கள் விடுதலை செழியன், சுரேந்தா், மாநில தொண்டா் அணி செயலாளா் சுதாகா் மற்றும் நிா்வாகிகள் போராட்டத்தில் ஈடுபட்டனா்.

தகவல் அறிந்ததும் சாத்தான்குளம் காவல் துணைக் கண்காணிப்பாளா் செல்வராஜ் தலைமையிலான போலீஸாா் நிகழ்விடம் சென்று மறியலில் ஈடுபட்டவா்களிடம் பேச்சுவாா்த்தை நடத்தினா்.

தனியாா் மருத்துவமனை மீது விசாரணை நடத்தி உரிய நடவடிக்கை எடுப்பதாக உறுதியளித்தனா். அதை ஏற்று பொதுமக்கள் போராட்டத்தை கைவிட்டனா். எனினும் கன்னிமரியாள் சடலத்தை வாங்கிச் செல்ல போலீஸாா் பேச்சுவாா்த்தை நடத்தி வருகின்றனா். இதுகுறித்து நாசரேத் போலீஸாா் வழக்குப் பதிவு செய்தனா்.