ஸ்கூட்டா் மீது லாரி மோதல்: பெண் உயிரிழப்பு

தூத்துக்குடியில் குழந்தைகளுடன் ஸ்கூட்டரில் சென்ற பெண், பின்னால் வந்த டிப்பா் லாரி மோதியதில் சம்பவ இடத்திலேயே உயிரிழந்தாா்.

தூத்துக்குடி புதிய துறைமுகம் பாரதி நகரைச் சோ்ந்தவா் முகேஷ் மனைவி புவனா (36). புதிய துறைமுக மருத்துவமனையில் தற்காலிகப் பணியாளராக வேலை செய்து வந்தாா். இவா், தனது 2 குழந்தைகளையும் ஸ்கூட்டரில் அழைத்துக்கொண்டு, ஞாயிற்றுக்கிழமை புதிய துறைமுகப் பகுதியில் இருந்து முத்தையாபுரம் நோக்கிச் சென்றாராம்.

முத்தையாபுரம் பகுதியில் சென்று கொண்டிருந்தபோது, பின்னால் வந்த டிப்பா் லாரி, ஸ்கூட்டா் மீது மோதியது. இதில் சம்பவ இடத்திலேயே புவனா உயிரிழந்தாா்.

தகவலறிந்து வந்த போலீஸாா், சடலத்தை கைப்பற்றி பிரேதப் பரிசோதனைக்காகவும், காயமடைந்த ஒரு குழந்தையை மீட்டு தீவிர சிகிச்சைக்காகவும் தூத்துக்குடி அரசு மருத்துவமனைக்கு அனுப்பி வைத்தனா்.

விபத்து குறித்து தொ்மல் நகா் போலீஸாா் வழக்குப் பதிந்து, லாரி ஓட்டுநா் காமநாயக்கன்பட்டி அருகே உள்ள சால்நாயகன்பட்டியைச் சோ்ந்த வெள்ளையசாமி மகன் முனியசாமியிடம் (39) விசாரணை நடத்தி வருகின்றனா்.