மேற்கு வங்க முதல்வராக சுவேந்து அதிகாரி பதவியேற்றார்!தவெக ஆட்சி அமைப்பதில் மேலும் சிக்கல்!சென்னை உள்பட 12 மாவட்டங்களில் பகல் 1 வரை மழைக்கு வாய்ப்பு!திமுகவினரே வாக்களிக்கவில்லையா? ஸ்ரீரங்கம் தொகுதியில் திமுகவுக்கு வெறும் 5 வாக்குகள்!தமிழ்நாட்டில் இத்தனை ஆண்டுகளில் இல்லாத குதிரை பேரம்! திமுக எம்.பி. வில்சன்தவெக தனியாக ஆளுநரிடம் சென்றிருந்தால் ஆட்சி அமைத்திருக்கலாம்: திமுகபுதுச்சேரியில் இருந்து சென்னை புறப்பட்ட அதிமுக எம்எல்ஏ-க்கள்! அடுத்து என்ன?தவெக ஆட்சி அமைப்பதில் இழுபறி: இடதுசாரிகள் ஆதரவு; விசிக நிலை என்ன? தமிழகத்தில் பயணிகளை கையாளுவதில் சென்னை விமான நிலையம் முதலிடம்பேறுகால சா்க்கரை நோயைத் தடுக்கும் திட்டம்: சோதனை முயற்சியாக அமல்
/

திருச்செந்தூரில் ஆட்டோ திருடியதாக சிறுவன் கைது

News image

கைது.

Updated On :4 மே 2026, 1:19 am IST

திருச்செந்தூரில் லோடு ஆட்டோவைத் திருடியதாக சிறுவனை போலீஸாா் கைது செய்து, ஆட்டோவை பறிமுதல் செய்தனா்.

திருச்செந்தூரைச் சோ்ந்த முத்து (24), தனக்குச் சொந்தமான லோடு ஆட்டோவை சனிக்கிழமை நள்ளிரவு திருச்செந்தூா் அரசு மருத்துவமனை அருகில் நிறுத்திவிட்டு சிறிது நேரம் கழித்து திரும்பி வந்து பாா்த்தபோது ஆட்டோவைக் காணவில்லையாம்.

இது குறித்து, திருச்செந்தூா் தாலுகா போலீஸில் முத்து அளித்த புகாரின்பேரில், போலீஸாா் தீவிர தேடுதல் பணியில் ஈடுபட்டனா். மாவட்ட காவல் கட்டுப்பாட்டு அறையின் மூலம் அனைத்து சோதனைச் சாவடிகள், ரோந்து போலீஸாருக்கு தகவல் தெரிவிக்கப்பட்டது.

ஆழ்வாா்திருநகரி காவல் நிலைய எல்லைக்குள்பட்ட சமத்துவபுரம் பகுதியில் ஸ்ரீவைகுண்டம் காவல் ஆய்வாளா் செந்தில் வேல்குமாா் தலைமையில், ஆழ்வாா்திருநகரி உதவி ஆய்வாளா் லதா, தலைமைக் காவலா்கள் செல்வம், முத்துக்குமாா், காவலா் சுந்தரபாண்டியன் ஆகியோா் வாகனத் தணிக்கையில் ஈடுபட்டிருந்தபோது, அவ்வழியாக வந்த லோடு ஆட்டோவை நிறுத்தி சோதனையிட்டதில், அது திருச்செந்தூரில் திருடுபோன வாகனம் என்பது தெரிய வந்தது.

ஆட்டோவை நெல்லையைச் சோ்ந்த 13 வயது சிறுவன் ஓட்டி வந்துள்ளாா். போலீஸாா் அந்த சிறுவனை கைது செய்து, ஆட்டோவை பறிமுதல் செய்தனா். மேலும், இது குறித்து திருச்செந்தூா் போலீஸாா் வழக்குப் பதிந்து, விசாரணை நடத்தி வருகின்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.