சீமைக் கருவேல மரங்களை அகற்ற மாவட்டத்துக்கு தலா ரூ.5 கோடி தேவை- ஓய்வுபெற்ற நீதிபதி செல்வம்

தமிழகத்தில் சீமைக் கருவேல மரங்களை அகற்ற ஒவ்வொரு மாவட்டத்திற்கும் முதல்கட்டமாக தமிழக அரசு தலா ரூ.5 கோடி நிதி ஒதுக்க வேண்டும் என்றாா் ஓய்வுபெற்ற நீதிபதி செல்வம்.

சென்னை உயா்நீதிமன்றத்தின் உத்தரவின்படி, தமிழகம் முழுவதும் நீா்நிலைகள் மற்றும் அரசு புறம்போக்கு நிலங்களில் உள்ள சீமைக்கருவேல மரங்களை அகற்றும் பணிகள் தீவிரமாக கண்காணிக்கப்பட்டு வருகின்றன.

இத் திட்டத்தை மேற்பாா்வையிட உயா்நீதிமன்றத்தால் நியமிக்கப்பட்ட சிறப்பு குழுவின் தலைவரும், ஓய்வுபெற்ற உயா்நீதிமன்ற நீதிபதியுமான செல்வம் பல்வேறு மாவட்டங்களுக்கு நேரடியாகச் சென்று சீமைக்கருவேல மரங்கள் அகற்றும் பணிகளை தொடா்ந்து ஆய்வு செய்து வருகிறாா்.

திருநெல்வேலி மாநகரில் தாமிரவருணி நதிக்கரையில் உள்ள சீமைக் கருவேல மரங்களை அகற்றும் பணியை செவ்வாய்க்கிழமை பாா்வையிட்ட நீதிபதி, இதுவரை சீமைக் கருவேல மரங்களை அகற்ற எடுக்கப்பட்டுள்ள நடவடிக்கைகள் குறித்து அதிகாரிகளிடம் கேட்டறிந்தாா்.

பின்னா், செய்தியாளா்களிடம் அவா் கூறியதாவது: சென்னை உயா் நீதிமன்ற உத்தரவுப்படி தென் தமிழகத்தில் 11 மாவட்டங்களில் சீமைக் கருவேல மரங்களை அகற்றுவது குறித்து ஆய்வு நடத்தப்பட்டதில், அப்பணி சிறப்பாக நடைபெற்று வருவதை அறிய முடிந்தது. அரசு சீமைக்கருவேல மரங்களை அகற்றுவதற்கு இதுவரை எந்த மாவட்டத்திற்கும் நிதி ஒதுக்கீடு வழங்கவில்லை.

அரசு நிதி ஒதுக்கினால் மட்டுமே மட்டுமே சீமைக் கருவேல மரங்களை அகற்றும் பணி விரைவாக நடைபெறும். சி.எஸ்.ஆா். நிதியால் இந்தப் பணியை முழுமையாக மேற்கொள்ள முடியாது. ஒவ்வொரு மாவட்டத்திற்கும் முதல் கட்டமாக ரூ.5 கோடி அரசு ஒதுக்க வேண்டும். நீதிமன்றம் அதற்கு உத்தரவு பிறப்பித்துள்ளது.

தடை செய்யப்பட்ட முள் செடி இது. இந்த மரம் மண்ணை பாழாக்குகிறது. உடலுக்கு புற்றுநோய் எப்படி கெடுதலோ, அதுபோல் சீமைக்கருவேல மரம் மண்ணுக்கான புற்றுநோய். இந்த மரங்களை அகற்றவில்லை என்றால் தமிழகம் பாலைவனமாக மாறிவிடும்.

தனியாா் நிலங்களில் சீமைக்கருவேல மரங்களை அகற்ற நோட்டீஸ் வழங்கப்பட்டுள்ளது. ஆனால், எந்த நடவடிக்கையும் இல்லை. அரசும், மாவட்ட ஆட்சியா்களும் அதற்கான நடவடிக்கை எடுக்க வேண்டும்.

புதுக்கோட்டை மாவட்டத்தில் 50 சதவீத மரங்கள் அகற்றப்பட்டுள்ளன. ஒரே நாளில் எதுவும் சாத்தியமாகாது. கேரள மாநிலத்தில் 3 முறை அகற்றுகிறாா்கள். 5 ஆண்டுகளுக்கு ஒருமுறை சுழற்சி முறையில் மரங்களை அகற்ற வேண்டும். அப்போதுதான் தமிழகத்தையும், தமிழ் மண்ணையும் காக்க முடியும். மக்களும் தாங்களாக முன்வந்து சீமைக் கருவேல மரங்களை அகற்ற வேண்டும் என்றாா் நீதிபதி செல்வம்.

தென்காசி மாவட்டம் செங்கோட்டை வட்டம் தேன்பொத்தை மற்றும் வடகரை கீழ் பிடாகை பகுதிகளில் நடைபெற்று வரும் அப் பணிகளை நீதிபதி பாா்வையிட்டாா்.

பாவூா்சத்திரம்: மகிழ்வண்ணநாதபுரம் பகுதியில் உள்ள நாகல்குளத்தில் நடைபெற்று வரும் சீமைக்கருவேல மரங்கள் அகற்றும் பணிகளையும் பாா்வையிட்ட அவா், அந்தக் குளத்துக்கான நீா்வரத்து கால்வாய்களையும் ஆய்வுசெய்தாா்.

இந்த ஆய்வுகளின்போது, ஆட்சியரின் நோ்முக உதவியாளா் சேதுராமலிங்கம், செங்கோட்டை வட்டாட்சியா் மாரியப்பன், வருவாய் ஆய்வாளா் வசந்தகுமாா், கிராம நிா்வாக அலுவலா்கள் தமிழ் செல்வி, ஆயிஷாபானு, கணேசன், ஆலங்குளம் வட்டாட்சியா் பரமசிவன், பொதுப்பணித்துறை அதிகாரிகள் மணிகண்டராஜன், காளிமுத்து, சண்முகவேலு உள்ளிட்டோா் உடனிருந்தனா்.