குளச்சல் அருகே 1700 லிட்டா் மண்ணெண்ணெய் பறிமுதல்

குளச்சல் அருகே கேரளத்திற்கு கடத்த முயன்ற 1700 லிட்டா் மண்ணெண்ணெய்யை போலீஸாா் பறிமுதல் செய்தனா்.

குளச்சல் காவல் நிலைய உதவி ஆய்வாளா் கனகராஜன், உதவி ஆய்வாளா் ராம் சங்கா் உள்ளிட்ட போலீஸாா் வியாழக்கிழமை இரவு கடலோரப் பகுதியில் ரோந்துப் பணியில் ஈடுபட்டனா். அப்போது, சைமன் காலனி பகுதியில் 49 கேன்களில் மீனவா்களுக்கு வழங்கப்படும் 1700 லிட்டா் மானிய விலை மண்ணெண்ணெய்யை கடத்தி, மறைத்து வைத்திருந்தது கண்டறியப்பட்டது.

இதையடுத்து, அவற்றை பறிமுதல் செய்த போலீஸாா், உணவுப் பொருள்கள் கடத்தல் தடுப்புப் பிரிவு காவல் ஆய்வாளா் காசியிடம் ஒப்படைத்தனா்.

மேலும் வழக்குப் பதிந்து, மண்ணெண்ணெய் கடத்தலில் ஈடுபட்டவா்கள் குறித்து விசாரித்து வருகின்றனா்.