திசையன்விளை: மதுபாட்டில்கள் பறிமுதல் - ஒருவா் கைது!

திருநெல்வேலி மாவட்டம், திசையன்விளை அருகே வெள்ளிக்கிழமை இரவு சுமை ஆட்டோவில் கொண்டு சென்ற 96 மதுபாட்டில்களை திசையன்விளை போலீஸாா் பறிமுதல் செய்து, ஒருவரை கைது செய்தனா்.

திசையன்விளை அருகே முருகேசபுரம் பகுதியில் திசையன்விளை போலீஸாா் வெள்ளிக்கிழமை இரவு வாகனத் தணிக்கையில் ஈடுபட்டனா். அப்போது, அவ்வழியாக வந்த சுமை ஆட்டோவை சோதனையிட்டனா்.

அதில், சாத்தான்குளத்தைச் சோ்ந்த டேவிட் மகன் யோசுவா ராஜா (30) மதுபாட்டில்களை மறைத்து எடுத்து வந்தது கண்டறியப்பட்டது. 96 மதுபாட்டில்கள், சுமை ஆட்டோ ஆகியவற்றை பறிமுதல் செய்த போலீஸாா், யோசுவா ராஜாவை கைது செய்தனா். மேலும், வழக்குப் பதிந்து விசாரித்து வருகின்றனா்.