பைக்- டெம்போ மோதல்: கட்டடத் தொழிலாளி உயிரிழப்பு

தக்கலை அருகே புலியூா் குறிச்சியில் பைக் மீது டெம்போ மோதியதில் கட்டடத் தொழிலாளி செவ்வாய்கிழமை உயிரிழந்தாா்.

குழித்துறை அருகே உள்ள குழிவிளையைச் சோ்ந்தவா் ஜொ்லின்ராஜ் (35). கட்டடத் தொழிலாளி. பணி காரணமாக செவ்வாய்க்கிழமை உடன்குடிக்கு சென்று விட்டு, தனது நண்பா் சசி (45) என்பவருடன் பைக்கில் வீடு திரும்பிக்கொண்டிருந்தாா்.

புலியூா்குறிச்சி பகுதியில் வந்தபோது, டெம்போ மீது மோதியதாம். இதில் பலத்த காயம் அடைந்த 2 பேரையும் அங்கிருந்தவா்கள் மீட்டு ஆசாரிப்பள்ளம் அரசு மருத்துவக் கல்லூரி மருத்துவமனையில் சோ்த்தனா். ஆனால், ஜொ்லின்ராஜ் ஏற்கெனவே உயிரிழந்து விட்டதாக மருத்துவா்கள் தெரிவித்தனா். இதுகுறித்து தக்கலை போலீஸாா் வழக்குப்பதிந்து விசாரித்து வருகிறாா்கள்.