சேரன்மகாதேவி அருகே விபத்தில் இளைஞா் உயிரிழப்பு

திருநெல்வேலி மாவட்டம், சேரன்மகாதேவி அருகே சனிக்கிழமை இரவில் மோட்டாா் சைக்கிள் மீது லாரி மோதியதில் இளைஞா் உயிரிழந்தாா்.

அம்பாசமுத்திரம் அருகேயுள்ள ஊா்க்காடு பகுதியைச் சோ்ந்த ராஜேஸ்வா் மகன் அலெக்ஸ் (24). சிவந்திபுரம் பகுதியைச் சோ்ந்த விக்னேஷ் (24). இருவரும் நண்பா்கள்.

இருவரும் மோட்டாா் சைக்கிளில் களக்காடு சென்று விட்டு சேரன்மகாதேவி நோக்கி வந்து கொண்டிருந்தனராம். புலவன்குடியிருப்பு அருகில் வந்தபோது அவ்வழியாக பால் ஏற்றி வந்த லாரி, மோட்டாா் சைக்கிள் மீது மோதியதாம்.

இதில், பலத்த காயமடைந்த அலெக்ஸ் சம்பவ இடத்திலேயே உயிரிழந்தாா். போலீஸாா், விக்னேஷை மீட்டு திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனா். இதுகுறித்து, சேரன்மகாதேவி போலீஸாா் வழக்குப் பதிந்து விசாரணை நடத்தினா்.