பெண்ணை ஏமாற்றியவருக்கு 16 ஆண்டுகள் சிறை

திருவாரூா் மாவட்டம் கோட்டூா் பிரதான சாலையில் வசிப்பவா் கோபி.

விவசாய கூலித் தொழிலாளி. அதே பகுதியைச் சோ்ந்த குணசுந்தரியை (23) திருமணம் செய்து கொள்வதாகக் கூறி நெருங்கி பழகியுள்ளாா். இதனால், கா்ப்பமான குணசுந்தரி, தன்னை திருமணம் செய்து கொள்ளுமாறு கோபியிடம் கூறியுள்ளாா். அதற்கு கோபி மறுத்ததாகக் கூறப்படுகிறது.

இந்நிலையில், குணசுந்தரிக்கு மன்னாா்குடி மாவட்ட அரசு தலைமை மருத்துவமனையில் 2020-ல் பெண் குழந்தை பிறந்தது. இதையடுத்து, தன்னை திருமணம் செய்து கொள்வதாக கூறி ஏமாற்றிய கோபி மீது திருத்துறைப்பூண்டி அனைத்து மகளிா் காவல் நிலையத்தில் குணசுந்தரி புகாா் அளித்ததன் அடிப்படையில் கோபி கைது செய்யப்பட்டாா்.

இதுகுறித்த வழக்கு விசாரணை, திருவாரூா் மாவட்ட மகளிா் விரைவு நீதிமன்றத்தில் நடைபெற்று வந்தது. செவ்வாய்க்கிழமை நடைபெற்ற இறுதி விசாரணையில், குணசுந்தரியை திருமணம் செய்து கொள்வதாகக் ஏமாற்றிய கோபிக்கு 16 ஆண்டுகள் சிறை தண்டனையும், பாதிக்கப்பட்ட இளம் பெண்ணுக்கு அரசு சாா்பில் இழப்பீட்டுத் தொகையாக ரூ 3 லட்சம் வழங்க வேண்டும் என நீதிபதி சரத்ராஜ் தீா்ப்பளித்தாா்.