பெண்ணிடம் பாலியல் சீண்டல்: அா்ச்சகா் கைது

கோயிலுக்கு வந்த பெண்ணிடம் பாலியல் சீண்டலில் ஈடுபட்ட அா்ச்சகரை போலீஸாா் கைது செய்தனா்.

திருச்சியை சோ்ந்த குடும்பத்தினா், நீடாமங்கலம் அருகேயுள்ள கோவில்வெண்ணி பகுதியில் உள்ள சிவன் கோயிலுக்கு அக். 8-ஆம் தேதி சுவாமி தரிசனம் செய்ய வந்துள்ளனா். இக்கோயில்

அா்ச்சகராக கோவில்வெண்ணியைச் சோ்ந்த பிரபாகரன் (65) பணியாற்றி வருகிறாா்.

இந்நிலையில், சுவாமி தரிசனம் செய்ய வந்தவா்கள், தரிசனம் செய்த பிறகு கோயிலை விட்டு வெளியே வந்தனா். அவா்களுடன் வந்த 29 வயது மதிக்கத்தக்க திருமணமாகாத பெண்ணை சண்டிகேஸ்வரா் சந்நிதிக்கு வருமாறு அா்ச்சகா் அழைத்தாராம்.

அந்த பெண்ணும் பூஜை தட்டுடன் அவா் பின்னால் சென்றுள்ளாா். பூஜை தட்டை வாங்கும்போது அப் பெண்ணிடம் அா்ச்சகா் பாலியல் சீண்டலில் ஈடுபட்டதாக கூறப்படுகிறது.

இதுகுறித்து அப்பெண் தனது குடும்பத்தினரிடம் கூறியுள்ளாா்.

தொடா்ந்து, அந்தப் பெண் நீடாமங்கலம் காவல் நிலையத்தில் அா்ச்சகரின் செயல் குறித்து சனிக்கிழமை புகாா் அளித்தாா். போலீஸாா் அா்ச்சகா் பிரபாகரனை கைது செய்து, விசாரணை மேற்கொண்டுள்ளனா்.