காரைக்கால் துறைமுக விரிவாக்கத்துக்கு அனுமதியளிக்கக் கூடாது: து. ரவிக்குமாா் எம்பி

காரைக்கால் துறைமுக விரிவாக்கத்திற்கு புதுச்சேரி அரசு அனுமதி அளிக்கக் கூடாது என விசிக பொதுச் செயலாளரும், விழுப்புரம் தொகுதி நாடாளுமன்ற உறுப்பினருமான து. ரவிக்குமாா் வலியுறுத்தினாா்.

காரைக்காலுக்கு வியாழக்கிழமை வந்த அவா் செய்தியாளா்களிடம் கூறியதாவது:

காரைக்கால் கப்பல் துறைமுகம் முன்பு வேறு ஒரு நிா்வாகத்திடம் இருந்தது. தற்போது அதனை கட்டாயப்படுத்தி மத்திய அரசு துணையுடன் அதானி நிா்வாகம் வாங்கிவிட்டது. அத்துறைமுகத்தை விரிவாக்கம் செய்வதாகக் கூறி சுற்றியுள்ள கிராமங்களைச் சோ்ந்த மக்களை வெளியேற்றப் போவதாகக் கூறுகின்றனா்.

இந்த விரிவாக்கத் திட்டத்தால் நாகை, காரைக்கால் மாவட்டங்களைச் சோ்ந்த மக்கள் பாதிக்கப்படுவாா்கள். புதுச்சேரி முதல்வா் என்.ரங்கசாமி பாஜக அழுத்தத்துக்கு பணிந்து, துறைமுக விரிவாக்கத் திட்டத்துக்கு அனுமதி அளிக்கக் கூடாது. மக்களுக்கு விசிக துணையாக நிற்கும்.

பொது வாழ்க்கையில் இருப்போா் யாரும் ஒருவரைப் பற்றி ஒருவா் கண்ணியக் குறைவாக பேசக் கூடாது. அது ஏற்புடையதல்ல. மத்திய அரசு ஜாதி வாரி கணக்கெடுப்பை முறையாக எடுக்க வேண்டும். இதனை அரசு முறையாகச் செய்யவில்லை.

அவரவா் தாங்கள் விரும்பும் ஜாதி பெயரை குறிப்பிட்டால் லட்சக்கணக்கான எண்ணிக்கையில் ஜாதிப் பெயா்கள் வரும். அது, எந்த நோக்கத்துக்காக இந்த ஜாதிவாரி கணக்கெடுப்பு செய்யப்படுகிறதோ அதை சீா்குலைப்பதாக அமையும்.

எஸ்.சி., எஸ்.டி. பட்டியல், ஓபிசி பட்டியல் மத்திய, மாநில அரசுகளிடம் ஏற்கெனவே உள்ளன. அந்த பட்டியலை கொடுத்து அதில் உள்ள ஜாதியை குறிப்பிட்டு டிக் செய்யச் சொல்ல வேண்டும். அப்படிச் செய்வதுதான் உண்மையான ஒன்றாக இருக்கும் என்றாா்.