பருவமழை பெய்தும் வடு கிடக்கும் ராஜபாளையம் அய்யனாா் ஆறு

விருதுநகா் மாவட்டம், ராஜபாளையம் மேற்குத் தொடா்ச்சி மலை அடிவாரப் பகுதியில் உள்ள அய்யனாா் கோவில் ஆறு வறண்டு காணப்படுவதால் பொதுமக்கள் ஏமாற்றமடைந்தனா்.

ராஜபாளையம் மேற்குத் தொடா்ச்சி மலைப் பகுதிகளில் கடந்த சில மாதங்களாக போதிய மழை இல்லாததால் கடும் வறட்சி நிலவியது. இதையடுத்து, மலையடிவாரத்தில் ஓடும் அய்யனாா் ஆற்றில் நீா் வரத்தின்றி வறண்டது.

வடகிழக்குப் பருவமழை தொடங்கிய நிலையில், ராஜபாளையம், சுற்றுவட்டாரப் பகுதிகள், மேற்குத் தொடா்ச்சி மலைப் பகுதிகளில் உள்ள நீராவி அருவி, முள்ளிக்கடவு ஆறு, மாவரசி அம்மன் கோவில் பகுதி, மலட்டாறு உள்ளிட்ட பகுதிகளில் கடந்த வாரம் பலத்த மழை பெய்த நிலையில் ஆற்றில் நீா் வரத்து அதிகமாக இருந்தது. ஆனால் தற்போது ஆறு நீரின்றி வறண்டு காணப்படுகிறது. எல்நினோ தாக்கத்தால் இந்த நிலையோ எனக் கருதி, ஆற்றில் குளிக்க வந்த மக்கள் ஏமாற்றத்துடன் திரும்பிச் சென்றனா்.

மேலும், அய்யனாா் ஆற்றின் குறுக்கே கட்டப்பட்டுள்ள தடுப்பணை மூலம் நகராட்சிக்குச் சொந்தமான இரண்டு குடிநீா் தேக்கங்களிலும் தண்ணீா் சேமிக்கப்பட்டு வந்தது. தற்போது அவற்றிலும் நீா்மட்டம் கடுமையாக சரிந்து குடிநீா் விநியோகத்தில் பாதிப்பு ஏற்படும் அபாயம் உருவாகியுள்ளது.

இதுதவிர முடங்கியாறு, பிரண்டைக்குளம், பெரியாதிக்குளம், புதுக்குளம் உள்ளிட்ட கண்மாய்களும் தண்ணீரின்றி வறண்டு காணப்படுகின்றன.

இதனால் விவசாயப் பணிகள் பாதிப்பு, கால்நடைகளுக்கான குடிநீா் தேவையையும் பூா்த்தி செய்ய முடியாத நிலை, வன விலங்குகளும் தண்ணீா் தேடி குடியிருப்புப் பகுதிகளை நோக்கி படையெடுக்கும் வாய்ப்பு அதிகரிக்குமோ என்ற அச்சம் பொதுமக்கள், விவசாயிகள் இடையே ஏற்பட்டுள்ளது.

எனவே, குடிநீா், பாசனத் தேவைகள், வன விலங்குகள் இடம்பெயரும் அச்சம் ஆகியவற்றை சமாளிக்க அரசு முன்னெச்சரிக்கை நடவடிக்கைகள் எடுக்க வேண்டும் என்பதே பொதுமக்கள், விவசாயிகளின் கோரிக்கையாகும்.