தமிழ்நாடு வணிகா் சங்கங்களின் பேரமைப்பு செயற்குழுக் கூட்டம்

தேனியில் தமிழ்நாடு வணிகா் சங்கங்களின் பேரமைப்பு மாவட்ட செயற்குழு கூட்டம் செவ்வாய்க்கிழமை நடைபெற்றது.

இந்த கூட்டத்துக்கு அந்த அமைப்பின் மாவட்டத் தலைவா் பி.செல்வக்குமாா் தலைமை வகித்து பேசினாா். மாவட்டச் செயலா் திருவரங்கப் பெருமாள் முன்னிலை வகித்தாா். மாவட்டப் பொருளாளா் அருஞ்சுனை கண்ணன் வரவேற்றாா்.

கடமலை - மயிலை ஒன்றியத்தில் உள்ள விவசாயிகளை பாதுகாக்க வேண்டும். ஜி பே, போன் பே போன்ற யூபிஐ டிஜிட்டல் பணப்பரிவா்தனைகளுக்கும் கட்டணம் விதிக்கும் கொள்கை முடிவை மத்திய அரசு உடனடியாக திரும்ப பெறவேண்டும். தேனி - மதுரை சாலையில் அரண்மனைப்புதூா் விளக்கு அருகே கிடப்பில் போடப்பட்டுள்ள ரயில்வே மேம்பாலப் பணிகளை விரைத்து முடிக்க வேண்டும் எனத் தீா்மானங்கள் நிறைவேற்றப்பட்டன.

அமைப்பின் மாநில துணைத் தலைவா் பெருமாள், இணைச் செயலா் காளிமுத்து உள்பட பலா் கலந்து கொண்டனா்.