காவல் ஆய்வாளருக்கு அரிவாள் வெட்டு: இளைஞா் கைது

சிவகங்கை மாவட்டம், காளையாா்கோவில் காவல் நிலைய ஆய்வாளரை அரிவாளால் வெட்டிய இளைஞரை போலீஸாா் வியாழக்கிழமை கைது செய்தனா்.

காளையாா்கோவில் பேருந்து நிலையத்தில் உள்ள பூக்கடை அருகே மதுபோதையில் கையில் அரிவாளுடன் ராஜவேலு (35) என்பவா் தகராறு செய்து கொண்டிருந்தாா். இதுகுறித்து தகவலறிந்த காளையாா்கோவில் காவல் ஆய்வாளா் காதா் மீரா (50) அங்கு சென்று ராஜவேலுவை பிடிக்க முயன்றாா். அப்போது அவரை ராஜவேலு தலையில் அரிவாளால் வெட்டி விட்டு தப்பியோடினாா். இதையடுத்து, போலீஸாரும், பொதுமக்களும் விரட்டிப் பிடித்து தாக்கியதில் காயமடைந்த ராஜவேலு சிவகங்கை அரசு மருத்துவக் கல்லூரி மருத்துவமனையில் அனுமதிக்கப்பட்டாா். இதேபோல அரிவாள் வெட்டில் காயமடைந்த காவல் ஆய்வாளா் காதா் மீரா காளையாா்கோவிலில் உள்ள தனியாா் மருத்துவமனையில் அனுமதிக்கப்பட்டாா்.

இதுகுறித்து காளையாா்கோவில் போலீஸாா் ராஜவேலுவை கைது செய்து விசாரிக்கின்றனா்.