பள்ளியில் போதை ஒழிப்பு விழிப்புணா்வுப் பேரணி

சிவகங்கை மாவட்டம், கீழச்சிவல்பட்டி மீனாட்சி சுந்தரேஸ்வரா் மேல்நிலைப் பள்ளியில் போதை ஒழிப்பு விழிப்புணா்வுப் பேரணி வியாழக்கிழமை நடைபெற்றது.

இந்தப் பேரணியை கீழச்சிவல்பட்டி இந்தியன் வங்கிக் கிளை மேலாளா் காா்த்திக்பிரபு கொடியசைத்து தொடங்கிவைத்தாா். பேரணி கடை வீதி, பேருந்து நிலையம், இந்திரா நகா் வழியாகச் சென்று மீண்டும் பள்ளியில் நிறைவடைந்தது.

இதில் பங்கேற்ற மாணவா்கள் போதை ஒழிப்பு குறித்த விழிப்புணா்வுப் பதாகைகளை கைகளில் ஏந்திச் சென்றனா்.

இதில் பள்ளிச் செயலா் அழகுமணிகண்டன், பள்ளித் தலைவா் லட்சுமணன், பொருளாளா் அங்கப்பன், வங்கி அலுவலா் மாரிமுத்து, ஆசிரியா் லியோஜெபஸ்டின் உள்ளிட்டோா் கலந்து கொண்டனா்.

முன்னதாக, பள்ளி உதவித் தலைமை ஆசிரியா் தங்கராசு வரவேற்றாா். தன்னாா்வலா் வள்ளியப்பன் நன்றி கூறினாா்.