பள்ளி மேலாண்மைக் குழு மறுகட்டமைப்பு பணிகள் நிறைவு

மதுரை மாவட்டத்தில் உள்ள 1,242 அரசுப் பள்ளிகளில்நான்கு கட்டங்களாக நடைபெற்ற பள்ளி மேலாண்மைக் குழு மறுகட்டமைப்புப் பணிகள் சனிக்கிழமை நிறைவு பெற்றன.

அா்சுப் பள்ளிகளில் கடந்த 2024-ஆம் ஆண்டு தோ்வு செய்யப்பட்ட மேலாண்மைக் குழு உறுப்பினா்களின் பதவிக்காலம் கடந்த ஆகஸ்ட் மாதத்தோடு நிறைவடைந்தது. இந்த நிலையில், 2026-28- ஆம் ஆண்டுகளுக்கான பள்ளி மேலாண்மைக் குழுவின் புதிய உறுப்பினா்களைத் தோ்ந்தெடுக்கும் மறுக்கட்டமைப்பு நடைமுறைகள் கடந்த மாதமும், இந்த மாதமும் நான்கு கட்டங்களாக நடைபெற்றது.

முதல் கட்டமாக செப்.12-ஆம் தேதி 403 தொடக்கப் பள்ளிகளிலும், இரண்டாம் கட்டமாக செப்.19-ஆம் தேதி 397 தொடக்கப் பள்ளிகளிலும், மூன்றாம் கட்டமாக செப்.26-ஆம் தேதி 226 நடுநிலைப் பள்ளிகளிலும் மறுக்கட்டமைப்புப் பணிகள் நடைபெற்றன. நான்காம் கட்டமாக மாவட்டத்தில் உள்ள 216 அரசு உயா்நிலை, மேல்நிலைப் பள்ளிகளில் சனிக்கிழமை மறுக்கட்டமைப்புப் பணிகள் நடைபெற்றன.

இதன்மூலம், மதுரை மாவட்டத்தில் உள்ள 1,242 அரசுப் பள்ளிகளில் மாவட்ட ஆட்சியரால் நியமிக்கப்பட்ட பாா்வையாளா்கள் முன்னிலையில், புதிய உறுப்பினா்கள் தோ்ந்தெடுக்கப்பட்டனா்.

இதன்படி, ஒவ்வொரு பள்ளியிலும் பெற்றோா், ஆசிரியா்கள், உள்ளாட்சி பிரதிநிதிகள், முன்னாள் மாணவா்கள் உள்ளிட்ட 24 உறுப்பினா்கள் தோ்வு செய்யப்பட்டனா்.

இதில் பெற்றோா் 75 சதவீதம், பெண் உறுப்பினா்கள் 50 சதவீதம் போ் கட்டாயம் இடம்பெற வேண்டும். புதிதாகத் தோ்ந்தெடுக்கப்பட்ட உறுப்பினா்களுக்கு அந்தந்தப் பள்ளித் தலைமையாசிரியா்கள் சான்றிதழ்களை வழங்கினா். தோ்ந்தெடுக்கப்பட்ட புதிய உறுப்பினா்கள் இரு ஆண்டுகளுக்கு மாணவா் சோ்க்கை, இடைநிற்றல் தடுப்பு, கற்றல், பள்ளியின் உள்கட்டமைப்பு மேம்பாடு, பள்ளிகளின் தேவைகளை நிறைவேற்றவும், பள்ளியின் ஒட்டுமொத்த வளா்ச்சியை மேம்படுத்தவும் செயல்படுவாா்கள்.