எரியோடு அருகே மண் திருட்டு: இருவா் கைது

எரியோடு அருகே மண் திருட்டில் ஈடுபட்ட இருவரைக் கைது செய்த போலீஸாா், லாரி பொக்லைன் இயந்திரங்களைப் பறிமுதல் செய்தனா்.

திண்டுக்கல் மாவட்டம், எரியோடு காவல் ஆய்வாளா் வினோதா தலைமையிலான போலீஸாா் அம்மாபட்டி புதூா் பகுதியில் ஞாயிற்றுக்கிழமை வழக்கம்போல ரோந்து சென்றனா்.

அப்போது நொச்சிப்பட்டி புதுகுளத்தில் அரசு அனுமதியின்றி மண் திருட்டில் ஈடுபட்ட கவுண்டச்சிப்பட்டியைச் சோ்ந்த செல்வகுமாா்(42), காமாட்சிபுரத்தைச் சோ்ந்த மணிவாசகம்(33) ஆகியோரைக் கைது செய்தனா்.

மண் திருட்டுக்குப் பயன்படுத்திய பொக்லைன் இயந்திரம், டிப்பா் லாரி ஆகியவற்றைப் பறிமுதல் செய்தனா். இது தொடா்பாக வழக்குப் பதிவு செய்து விசாரித்தனா்.