தம்மம்பட்டி, கெங்கவல்லி பகுதிகளில் கனமழை: சுவேத நதியில் வெள்ளம்

தம்மம்பட்டி, கெங்கவல்லி சுற்றுவட்டாரப் பகுதிகளில் கடந்த சில தினங்களாக மழை பெய்து வருகிறது.

இந்த நிலையில் கடந்த இரண்டு நாள்களாக பெய்த கன மழையால் கொல்லிமலை மற்றும் பல்வேறு பகுதியிலிருந்து வரும் மழைநீா் வரட்டாறு, சுவேத நதிகளில் பெருக்கெடுத்து ஓடுகிறது.

இதனால் ஜங்கமசமுத்திரம் தடுப்பணை நிரம்பி தண்ணீா் வெளியேறுகிறது. இந்நிலையில் பொதுமக்கள், சங்ககிரி சுவேத நதி திருப்பணிக் குழுவினா் சுவேத நதிக்கு ஆரத்தி பூஜை செய்து பூக்களைத் தூவி வணங்கினா். இதில் தம்மம்பட்டி சுற்றுவட்டார மக்கள் திரளாக பங்கேற்றனா்.