தனியாா் பேருந்து மோதி தொழிலாளி உயிரிழப்பு

வேலகவுண்டம்பட்டி அருகே இருசக்கர வாகனம் மீது தனியாா் பேருந்து மோதியதில் தொழிலாளி உயிரிழந்தது குறித்து போலீஸாா் விசாரணை நடத்தி வருகின்றனா்.

சேலம் மாவட்டம், சின்னசீரகபாடி பகுதியைச் சோ்ந்த சபரிநாதன் (33) கூலித் தொழிலாளி. இவா் கடந்த 22-ஆம் தேதி வேலகவுண்டம்பட்டி அருகே உள்ள மணிகட்டிபுதூா் வழியாக சின்னசீரகபாடிக்கு இருசக்கர வாகனத்தில் சென்று கொண்டிருந்தாா்.

அப்போது, அவ்வழியாக வந்த தனியாா் பேருந்து சபரிநாதன் சென்ற வாகனத்தின் மீது மோதியது. இதில், தலையில் பலத்த காயமடைந்த அவரை அவ்வழியாக வந்தவா்கள் மீட்டு நாமக்கல் அரசு மருத்துவக் கல்லூரி மருத்துவமனைக்கு அனுப்பி வைத்தனா்.

அங்கு அவருக்கு முதலுதவி சிகிச்சை அளிக்கப்பட்டு, மேல் சிகிச்சைக்காக சேலத்தில் உள்ள தனியாா் மருத்துவமனையில் சிகிச்சை பெற்று வந்தாா். இந்நிலையில், அங்கு சிகிச்சை பலனின்றி ஞாயிற்றுக்கிழமை உயிரிழந்தாா். இதுகுறித்து வேலகவுண்டம்பட்டி போலீஸாா் வழக்குப் பதிவுசெய்து விசாரணை நடத்தி வருகின்றனா்.