மேற்கு வங்க முதல்வராக சுவேந்து அதிகாரி பதவியேற்றார்!தவெக ஆட்சி அமைப்பதில் மேலும் சிக்கல்!சென்னை உள்பட 12 மாவட்டங்களில் பகல் 1 வரை மழைக்கு வாய்ப்பு!திமுகவினரே வாக்களிக்கவில்லையா? ஸ்ரீரங்கம் தொகுதியில் திமுகவுக்கு வெறும் 5 வாக்குகள்!தமிழ்நாட்டில் இத்தனை ஆண்டுகளில் இல்லாத குதிரை பேரம்! திமுக எம்.பி. வில்சன்தவெக தனியாக ஆளுநரிடம் சென்றிருந்தால் ஆட்சி அமைத்திருக்கலாம்: திமுகபுதுச்சேரியில் இருந்து சென்னை புறப்பட்ட அதிமுக எம்எல்ஏ-க்கள்! அடுத்து என்ன?தவெக ஆட்சி அமைப்பதில் இழுபறி: இடதுசாரிகள் ஆதரவு; விசிக நிலை என்ன? தமிழகத்தில் பயணிகளை கையாளுவதில் சென்னை விமான நிலையம் முதலிடம்பேறுகால சா்க்கரை நோயைத் தடுக்கும் திட்டம்: சோதனை முயற்சியாக அமல்
/

நாமக்கல் திமுக வேட்பாளரை ஆதரித்து ராஜேஸ்குமாா் எம்.பி. பிரசாரம்

News image

நாமக்கல் சந்தைப்பேட்டைபுதூரில் திமுக வேட்பாளா் ப.ராணிக்கு ஆதரவாக வாக்கு சேகரித்த மாநிலங்களவை உறுப்பினா் கே.ஆா்.என்.ராஜேஸ்குமாா்.

Updated On :21 ஏப்ரல் 2026, 1:28 am IST

நாமக்கல் சட்டப்பேரவைத் தொகுதியில் போட்டியிடும் திமுக வேட்பாளா் ப. ராணியை ஆதரித்து, கிழக்கு மாவட்டச் செயலாளரும், மாநிலங்களவை உறுப்பினருமான கே.ஆா்.என்.ராஜேஸ்குமாா் பிரசாரம் மேற்கொண்டாா்.

நாமக்கல் தெற்கு நகரம் 23-ஆவது வாா்டு சந்தைப்பேட்டைபுதூா் அருகில் திமுக வேட்பாளருக்கு வாக்கு சேகரித்து அவா் பேசியதாவது:

நாமக்கல் தொகுதியில் திமுக ஆட்சியில் எண்ணற்ற மக்கள் நலத்திட்டங்கள் நிறைவேற்றப்பட்டுள்ளன. குறிப்பாக, நாமக்கல் மாநகரப் பகுதியில் வீடுகள், வணிக நிறுவனங்களின் கழிவுநீரை பூமிக்கு அடியில் குழாய்கள் மூலம் சேகரித்து, சுத்திகரித்து பாதுகாப்பாக அகற்றிடவும், சுகாதாரத்தை மேம்படுத்தி, கொசு மற்றும் நோய் பரவலைத் தடுத்திடவும் ரூ. 313 கோடியில் நாமக்கல்லில் இணைக்கப்பட்ட பகுதியில் புதை சாக்கடை திட்டம் நிறைவேற்றப்பட்டுள்ளது.

இதன்மூலம் திறந்தவெளி கழிவுநீா் தேக்கத்தைத் தவிா்த்து, துா்நாற்றத்தைக் குறைத்து கொசுவினால் பரவும் நோய் மற்றும் பிற தொற்றுநோய்கள் கட்டுப்படுத்தப்படுகின்றன. நிலத்தடி நீா் மாசுபடுவதைத் தடுக்கிறது.

நாமக்கல் நகராட்சி மாநகராட்சியாக தரம் உயா்த்தப்பட்டது, புதிய மாவட்ட மத்தியக் கூட்டுறவு வங்கி, புதிய பேருந்து நிலையம் உள்ளிட்ட பல திட்டங்கள் பயன்பாட்டுக்கு கொண்டு வரப்பட்டுள்ளன. மீண்டும் திமுக ஆட்சி அமைந்ததும் தோ்தல் அறிக்கையில் முதல்வா் கூறியபடி இல்லத்தரசி திட்டம், மகளிா் உரிமைத்தொகை உயா்வு உள்ளிட்ட பல்வேறு திட்டங்களும் செயல்பாட்டுக்கு கொண்டுவரப்படும் என்றாா்.

இந்த வாக்குசேகரிப்பின்போது, நாமக்கல் எம்எல்ஏ பெ.ராமலிங்கம், தொகுதி பாா்வையாளா் முனவா் ஜான் மற்றும் மதச்சாா்பற்ற முற்போக்கு கூட்டணி கட்சிகளின் நிா்வாகிகள் பலா் கலந்துகொண்டனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.