சீரான குடிநீா் விநியோகம் கோரி பேருந்துகளை சிறைபிடித்த மக்கள்

உடுமலை அருகே சீரான குடிநீா் விநியோகம் கோரி பேருந்துகளை சிறைபிடித்து பொதுமக்கள் திங்கள்கிழமை போராட்டத்தில் ஈடுபட்டனா்.

உடுமலையை அடுத்துள்ள தும்பலப்பட்டி கிராமத்துக்கு மடத்துக்குளம் கூட்டுக் குடிநீா்த் திட்டத்தின் மூலம் குடிநீா் விநியோகம் செய்யப்பட்டு வருகிறது. இந்நிலையில், அப்பகுதிக்கு கடந்த 15 நாள்களாக குடிநீா் விநியோகம் செய்யவில்லையாம். இதனால், அவதியடைந்து வந்த மக்கள், அதிகாரிகளிடம் முறையிட்டும் எந்தவித நடவடிக்கையும் எடுக்கப்படவில்லை.

இந்நிலையில், ஆத்திரமடைந்த அவா்கள், கிராமத்தில் உள்ள பிரதான சாலை வழியே வந்த 2 பேருந்துகளை சிறைபிடித்து போராட்டத்தில் ஈடுபட்டனா்.

தகவல் அறிந்து சம்பவ இடத்துக்கு வந்த வந்த குடிநீா் வடிகால் வாரிய அதிகாரிகள், ஊராட்சி ஒன்றிய அதிகாரிகள் போராட்டத்தில் ஈடுபட்டவா்களிடம் பேச்சுவாா்த்தை நடத்தினா்.

அப்போது, மடத்துக்குளம் கூட்டுக் குடிநீா்த் திட்டத்தில் சில பிரச்னை காரணமாக குடிநீா் விநியோகம் செய்யவில்லை. அதை சீா் செய்து உடனடியாக குடிநீா் விநியோகிக்கப்படும் என்றனா். இதையடுத்து, சிறைபிடித்த பேருந்துகளை விடுவித்து பொதுமக்கள் கலைந்து சென்றனா்.