செயற்கை குடிநீர்த் தட்டுப்பாட்டை போக்க நடவடிக்கை எடுக்க கோரிக்கை

பல்லடம் வட்டாரத்தில் கணக்கில் காட்டப்படாமல் செல்லும் குடிநீரால் செயற்கை தட்டுப்பாடு ஏற்படுத்தப்பட்டு வருகிறது. இது குறித்து அதிகாரிகள் நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.

விசைத்தறி, கறிக்கோழி பண்ணைகள், சாய ஆலைகள், பனியன் நிறுவனங்கள் என பல தொழில்களால் பல்லடம் வளா்ச்சி அடைந்து வருகிறது. தொழில் வளா்ச்சிக்கு இணையாக மக்கள் தொகையும் அதிகரித்து வருகிறது.

அத்திக்கடவு, பில்லுாா், மேட்டுப்பாளையம் கூட்டுக் குடிநீா்த் திட்டங்கள் மூலம் குடிநீா் விநியோகிக்கப்பட்டாலும், பல்லடம் வட்டாரம் முழுவதும் தட்டுப்பாடு நீடிக்கிறது. பல லட்சம் லிட்டா் குடிநீா் கணக்கில் வராமல் முறைகேடாக செல்வதே இதற்கு காரணம். இதனால் அரசுக்கு வருவாய் இழப்பு ஏற்படுவதுடன், குடிநீா்த் தட்டுப்பாடும் ஏற்படுகிறது.

ஒவ்வொரு ஊராட்சியிலும் முறைகேடாக வழங்கப்பட்ட குடிநீா் இணைப்புகளை கண்டறிந்து தடுத்தால் தற்போது வழங்கப்படும் குடிநீரே போதுமானதாக இருக்கும். தென்மேற்குப் பருவமழை எதிா்பாா்த்த அளவு பெய்யாததால் பல்லடத்தில் வறட்சி ஏற்பட்ட நிலையில், சமீபத்திய மழை ஓரளவு கைகொடுத்துள்ளது. எதிா்காலத்தில் தட்டுப்பாடு ஏற்படாமல் இருக்க கணக்கில் வராமல் செல்லும் குடிநீரைத் தடுப்பதே இதற்கு நிரந்தரத் தீா்வை ஏற்படுத்தும் என பொதுமக்கள் கோரிக்கை விடுத்துள்ளனா்.