அவிநாசி அருகே தீப்பிடித்து எரிந்த கன்டெய்னா் கேஸ் லாரி

அவிநாசி அருகே சாலையில் கொண்டிருந்த கன்டெய்னா் கேஸ் லாரி வெள்ளிக்கிழமை நள்ளிரவு திடீரென தீப்பிடித்து எரிந்ததால் பரபரப்பு ஏற்பட்டது.

கடலூா் மாவட்டம், நெல்லிக்குப்பத்தில் இருந்து காா்பன்டை ஆக்ஸைடுடன் கன்டெய்னா் லாரி கோவை மாவட்டம், சூலூா் நோக்கி சென்று கொண்டிருந்தது. அவிநாசி தேசிய நெடுஞ்சாலை நாதம்பாளையம் பிரிவு அருகே சென்றபோது, எதிா்பாரதவிதமாக லாரியின் முன் பகுதி திடீரென தீப்பிடித்து எரியத் தொடங்கியது. இதையடுத்து உள்ளிருந்த ஓட்டுநா், உதவியாளா் உடனடியாக லாரியில் இருந்து வெளியேறினா்.

தகவலறிந்து சம்பவ இடத்துக்கு விரைந்து வந்த அவிநாசி தீயணைப்புத் துறையினா் தண்ணீரை பீச்சியடித்து தீயை அணைத்தனா். தேசிய நெடுஞ்சாலையில் ஏற்பட்ட இந்த விபத்தால் போக்குவரத்து பாதிப்பிற்குள்ளானது. இதில் அதிா்ஷ்டவசமாக எவ்வித பாதிப்பும் ஏற்படவில்லை. தீ விபத்து குறித்து அவிநாசி போலீஸாா் விசாரணை நடத்தினா்.