கூடலூரில் வளா்ச்சிப் பணிகள்: ஆட்சியா் ஆய்வு

கூடலூா் ஊராட்சி ஒன்றியத்துக்குள்பட்ட மசினகுடி ஊராட்சியில் நடைபெற்று வரும் வளா்ச்சித் திட்டப் பணிகளை மாவட்ட ஆட்சியா் லட்சுமி பவ்யா தன்னேரு செவ்வாய்க்கிழமை ஆய்வு செய்தாா்.

மாவனல்லா பகுதியில் ரூ.50 லட்சம் மதிப்பில் புதிதாக கட்டப்பட்ட துணை சுகாதார நிலையம், 125 நாள் வேலை உறுதி திட்டத்தின்கீழ் வாய்க்கால் தூா்வாரும் பணியை ஆட்சியா் ஆய்வு செய்தாா்.

தொடா்ந்து, மகளிா் சுய உதவிக் குழு சாா்பில் செயல்படும் அங்கன்வாடி மையத்தை பாா்வையிட்டதுடன், அதன் செயல்பாடுகள் குறித்து அதிகாரிகளிடம் கேட்டறிந்தாா்.

இதையடுத்து, மசினகுடி பகுதி அங்கன்வாடி மையம், அரசு மேல்நிலைப் பள்ளியில் மாணவா்களுக்கு வழங்கப்படும் உணவின் தரம் குறித்து ஆய்வு மேற்கொண்டதுடன், மாணவா்களிடமும் கேட்டறிந்தாா்.

இதைத் தொடா்ந்து, பூதநத்தம் பகுதியில் கட்டப்பட்டு வரும் அங்கன்வாடி மைய கட்டடம்,பிரதான் மந்திரி திட்டத்தின்கீழ் கட்டப்பட்டு வரும் தொகுப்பு வீடுகளையும் ஆய்வு செய்து, பணிகளை விரைவில் முடிக்க அலுவலா்களை அறிவுறுத்தினாா்.

ஆய்வின்போது, முதுமலை புலிகள் காப்பக துணை இயககுநா் வித்யாதரணி, மகளிா் திட்ட இயக்குநா் ரூபன் சங்கர்ராஜ், கூடலூா் வட்டார வளா்ச்சி அலுவலா் சலீம் உள்ளிட்டோா் உடனிருந்தனா்.