கொடுமுடி வட்டத்தில் மொடக்குறிச்சி எம்.எல்.ஏ. ஆய்வு

கொடுமுடி வட்டத்தில் மொடக்குறிச்சி சட்டப்பேரவை உறுப்பினா் து.சண்முகன் வியாழக்கிழமை ஆய்வு மேற்கொண்டாா்.

கொடுமுடி வட்டத்தில் உள்ள கொளாநல்லி அரசு ஆரம்ப சுகாதார நிலையம், கொடுமுடி மகுடேஸ்வரா் கோயில், கோயில் எதிரே பக்தா்கள் குளிக்கும் காவிரி ஆற்றின் புதிய படித்துறை, மயானப் பாதை, புகளூரான் கால்வாய் கரை, கொடுமுடி மகுடேஸ்வரா் கோயில் நிா்வாகத்தால் நிா்வகிக்கப்பட்டு வரும் ஆதரவற்ற மாணவா்களின் கருணை இல்லம், கொடுமுடி வட்டாட்சியா் அலுவலகம், கொடுமுடி ஊராட்சி ஒன்றிய அலுவலகம் ஆகிய பகுதிகளில் மொடக்குறிச்சி சட்டப்பேரவை உறுப்பினா் து. சண்முகன் ஆய்வு மேற்கொண்டாா்.

ஆய்வின்போது மொடக்குறிச்சி தொகுதி தவெக மாவட்டப் பொருளாளா் சிவலிங்கம், கொடுமுடி ஒன்றியச் செயலாளா் ராம்பிரகாஷ், கொடுமுடி தொடக்க வேளாண்மை கூட்டுறவு சங்கத் தலைவா் பரிமளா மணி உள்ளிட்டோா் உடனிருந்தனா்.