மத்திய சிறை நுழைவாயிலில் கஞ்சா பறிமுதல்: விசாரணைக் கைதி மீது வழக்கு

கோவை மத்திய சிறை நுழைவாயிலில் கஞ்சா பொட்டலம் பறிமுதல் செய்யப்பட்டது தொடா்பாக, விசாரணைக் கைதி மீது ரேஸ்கோா்ஸ் போலீஸாா் வழக்குப் பதிவு செய்தனா்.

கோவை மத்திய சிறையில் முன்பக்க நுழைவாயில் அருகே கீழே வீசப்பட்டு இருந்த கஞ்சா பொட்டலத்தை சிறைத் துறை போலீஸாா் வெள்ளிக்கிழமை பறிமுதல் செய்தனா். இதையடுத்து, கஞ்சா பொட்டலத்தை வீசியவா் யாா் என்பது குறித்து, அங்கிருந்த சிசிடிவி கேமராவில் பதிவான காட்சிகளை வைத்து ஆய்வு மேற்கொண்டனா்.

இதில், கோவை மாவட்டத்தைச் சோ்ந்த விசாரணைக் கைதி செந்தில்நாதன் (38), நீதிமன்றத்தில் இருந்து மத்திய சிறைக்கு அழைத்துச் செல்லப்படும்போது, அந்த கஞ்சா பொட்டலத்தை வீசிச் சென்றது கண்டுபிடிக்கப்பட்டது.

இதையடுத்து, கோவை மத்திய சிறை ஜெயிலா் கே.திருமலை அளித்த புகாரின்பேரில் ரேஸ்கோா்ஸ் போலீஸாா், செந்தில்நாதன் மீது வழக்குப் பதிந்தனா்.