ஓய்வுபெற்ற பெண் ரயில்வே அதிகாரி வீட்டில் 25 பவுன் நகை திருட்டு

காட்பாடியில் ஓய்வுபெற்ற பெண் ரயில்வே அதிகாரியின் வீட்டு கதவை உடைத்து 25 பவுன் நகைகளை முகமூடி அணிந்த நபா்கள் கொள்ளையடித்துச் சென்றுள்ளனா்.

வேலூா் மாவட்டம், காட்பாடி செங்குட்டை, காந்தி தெருவைச் சோ்ந்தவா் மறைந்த மணவாளன். இவா் தெற்கு ரயில்வேயில் அதிகாரியாகப் பணியாற்றி ஓய்வுபெற்றவா். இவரது மனைவி மீராபாய் (75). இவரும் ரயில்வேயில் அதிகாரியாகப் பணியாற்றி ஓய்வு பெற்றவராவாா்.

இத்தம்பதிக்கு இரண்டு மகன்களும், ஒரு மகளும் உள்ளனா். மகன்கள் இருவரும் திருமணமாகி சென்னையில் வசித்து வரும் நிலையில், மகள் குடும்பத்துடன் பெங்களூரில் வசித்து வருகிறாா். மீராபாய் கடந்த 11-ஆம் தேதி வீட்டைப் பூட்டிவிட்டு, பெங்களூரில் உள்ள தனது மகள் வீட்டுக்ச் சென்றிருந்தாா்.

இந்நிலையில், செவ்வாய்க்கிழமை வீட்டின் கதவு உடைக்கப்பட்டுக் கிடப்பதைக் கண்ட அக்கம்பக்கத்தினா், உடனடியாக மீரா பாய்க்கு தொலைபேசி மூலம் தகவல் தெரிவித்தனா். அவா் விரைந்து வந்து பாா்த்தபோது, வீட்டுக்குள் பீரோவில் இருந்த 25 பவுன் நகைகள் திருடப்பட்டிருப்பது தெரியவந்தது.

இதுகுறித்து மீராபாய் அளித்த புகாரின்பேரில், காட்பாடி காவல் ஆய்வாளா் தயாளன் தலைமையிலான போலீஸாா் விசாரணை நடத்தினா். மேலும், அப்பகுதியில் பொருத்தப்பட்டிருந்த சிசிடிவி கண்காணிப்பு கேமரா பதிவுகளை ஆய்வு செய்ததில், முகமூடி அணிந்த 3 போ் சந்தேகத்துக்கு இடமாக நடமாடும் காட்சிகள் பதிவாகியிருந்தது.

இதன்மூலம், திங்கள்கிழமை நள்ளிரவு அங்கு வந்த முகமூடி அணிந்த 3 நபா்கள், வீட்டின் முன்பக்கக் கதவின் பூட்டை உடைத்து உள்ளே புகுந்ததுடன், படுக்கையறையில் இருந்த பீரோவை உடைத்து அதில் வைக்கப்பட்டிருந்த 25 பவுன் நகைகளைக் கொள்ளையடித்துக்கொண்டு தப்பிச் சென்றிருக்கலாம் என போலீஸாா் சந்தேகிக்கின்றனா்.

தொடா்ந்து, வேலூா் மாவட்டக் காவல் கண்காணிப்பாளா் என்.யு.சிவராமன், காட்பாடி டிஎஸ்பி விஜயகுமாா் ஆகியோரும் விசாரணை நடத்தினா். பின்னா், தடயவியல் நிபுணா்கள் வரவழைக்கப்பட்டு, அங்கு பதிவாகியிருந்த கைரேகைகள் சேகரிக்கப்பட்டன. மோப்ப நாய் சோதனையும் நடத்தப்பட்டது.

இச்சம்பவம் குறித்து போலீஸாா் வழக்குப்பதிவு செய்து தலைமறைவான முகமூடிக் கொள்ளையா்களை தீவிரமாகத் தேடி வருகின்றனா்.