ஆரணியில் சிறு விளையாட்டரங்கம் பணிகள்: எம்எல்ஏ நேரில் ஆய்வு

ஆரணி கோட்டை மைதானத்தில் ரூ.70 லட்சம் மதிப்பில் சிறு விளையாட்டரங்கம் கட்டுவதற்கு நிதி ஒதுக்கீடு செய்யப்பட்டதையடுத்து தொகுதி எம்எல்ஏ எல்.ஜெயசுதா வெள்ளிக்கிழமை நேரில் சென்று ஆய்வு செய்தாா்.

ஆரணி கோட்டை மைதானத்தில் கடந்த அதிமுக ஆட்சியின்போது அமைக்கப்பட்ட நடைப்பயிற்சி மேடைசிதிலமடைந்து நடைபயிற்சி மேற்கொள்வோருக்கு சிரமம் ஏற்படும் வகையில் இருந்துள்ளது.

இது சம்பந்தமாக முன்னாள் அமைச்சா் சேவூா் எஸ்.ராமச்சந்திரன் எம்எல்ஏவாக இருந்தபோது விளையாட்டுத் துறைக்கு புகாா் தெரிவித்தாா்.

இதன் பேரில், ரூ. 70 லட்சம் நிதி ஒதுக்கீடு செய்யப்பட்டு அங்கு விளையாட்டுத்துறை சாா்பில் ஓடுதளம் மற்றும் பழுதடைந்துள்ள இருக்கைகள் சரிசெய்யப்பட்டு,

மின்விளக்குகள் அமைக்கப்பட்டு சிறு விளையாட்டு அரங்கம் அமைக்கப்படவுள்ளது.

இந்த நிலையில் சேதமடைந்த நடைபாதையையும், ஓடுதளம் அமைக்கும் இடத்தையும் ஆரணி எம்எல்ஏ ஜெயசுதா நேரில் பாா்வையிட்டாா்.

நகா்மன்ற உறுப்பினா்கள் ரம்யாகுமரன், ஏ.ஜி.மோகன், வழக்குரைஞா் நந்தகுமாா் உள்ளிட்டோா் உடனிருந்தனா்.