டாலருக்கு நிகரான ரூபாயின் மதிப்பு மாற்றமின்றி ரூ. 95.95 ஆக நிறைவு!

மும்பை: அமெரிக்கா மற்றும் ஈரான் இடையே பேச்சுவார்த்தை நடைபெறலாம் என்ற எதிர்பார்ப்பால் கச்சா எண்ணெய் விலையில் ஏற்பட்ட சரிவு மற்றும் ஆர்பிஐ-யின் தலையீடு உள்ளிட்டவையால், இன்றைய அந்நியச் செலாவணி வர்த்தகத்தில், ரூபாயின் மதிப்பு டாலர் ஒன்றுக்கு ரூ. 96 என்ற நிலைக்கு சற்று மேலே, பெரிய மாற்றமின்றி நிலைபெற்றது.

உள்ளூர் இறக்குமதியாளர்களுக்கு டாலருக்கான தேவை வலுவடைந்து வருவதால், ரூபாயின் மதிப்பு உயர்வுக்கு கட்டுப்படுத்தப்பட்டதாக அந்நியச் செலாவணி வர்த்தகர்கள் தெரிவித்தனர்.

வங்கிகளுக்கு இடையிலான அந்நியச் செலாவணி சந்தையில், ரூபாயின் மதிப்பு ரூ. 96.03 என்ற நிலையில் வர்த்தகத்தைத் தொடங்கி, பிறகான வர்த்தகத்தில் சரிந்து, வர்த்தகத்தின் இடையே ரூ. 96.15 என்ற குறைந்தபட்ச நிலையை எட்டியது. வர்த்தக முடிவில், டாலருக்கு நிகரான ரூபாய் மதிப்பு ரூ. 95.95 ஆக நிலைபெற்றது. இது அதன் முந்தைய நாள் வர்த்தக முடிவை விட 2 காசுகள் அதிகமாகும்.

நேற்று, ரூபாயின் மதிப்பு இரண்டு வாரங்களில் இரண்டாவது முறையாக ரூ. 96 என்ற நிலையை கடந்தது, பிறகு 22 காசுகள் சரிந்து, டாலருக்கு நிகராக ரூ. 95.97 என்ற அளவில் நிலைபெற்றது.