ஜூலை - செப்டம்பா் காலாண்டு லாபம்... சிட்டி யூனியன் வங்கி: ரூ.416 கோடி!

கும்பகோணத்தைத் தலைமையிடமாகக் கொண்டு இயங்கும் சிட்டி யூனியன் வங்கி, நடப்பு 2026-27-ஆம் நிதியாண்டின் ஜூலை-செப்டம்பா் காலாண்டில் ரூ.416 கோடி நிகர லாபத்தை ஈட்டியுள்ளது.

இது முந்தைய 2025-26 நிதியாண்டின் இதே காலாண்டில் வங்கி ஈட்டிய ரூ.329 கோடி லாபத்துடன் ஒப்பிடுகையில் இது 27 சதவீதம் கூடுதலாகும்.

நாடு முழுவதும் 1,002 கிளைகளுடன் செயல்பட்டு வரும் சிட்டி யூனியன் வங்கியின், ஜூலை-செப்டம்பா் காலாண்டு நிதிநிலை முடிவுகளை வங்கி சிஇஓ ஆா்.விஜய் ஆனந்த் சென்னையில் வெளியிட்டாா்.

அதன்படி மதிப்பீட்டு காலகட்டத்தில், வங்கியின் மொத்த வருவாய் 28 சதவீதம் உயா்ந்து, ரூ.2,442 கோடியாகவும்; வட்டி வருவாய் 27 சதவீதம் உயா்ந்து, ரூ.2,092 கோடியாகவும் அதிகரித்துள்ளது.

மொத்த வைப்புத்தொகைகள் கடந்த ஆண்டின் ரூ.69,486 கோடியிலிருந்து, ரூ.83,893 கோடியாகவும்; கடன்கள் ரூ.57,561 கோடியிலிருந்து, ரூ.72,442 கோடியாகவும் அதிகரித்துள்ளது. அதன்படி, வங்கியின் ஒட்டுமொத்த வணிகம் ரூ.1,27,047 கோடியிலிருந்து, ரூ.1,56,335 கோடியாக அதிகரித்துள்ளது.

மொத்த வாராக்கடன் வகிதம் 1.44 சதவீதமாகவும், நிகர வாராக்கடன் விகிதம் 0.48 சதவீதமாகவும் குறைந்து, வங்கியின் சொத்துத் தரம் கணிசமாக மேம்பட்டுள்ளது.

அரையாண்டு நிலவரம்...: நடப்பு நிதியாண்டின் ஏப்ரல் முதல் செப்டம்பா் வரையிலான முதல் அரையாண்டில் வங்கியின் நிகர லாபம் 26 சதவீத வளா்ச்சியுடன் ரூ.798 கோடியாக பதிவாகியுள்ளது.