ஓஎன்ஜிசி-க்கு புதிய தலைவா் நியமனம்

நாட்டின் முன்னணி பொதுத் துறை நிறுவனமான எண்ணெய் மற்றும் இயற்கை எரிவாயுக் கழகத்தின் (ஓஎன்ஜிசி) புதிய தலைவராக, அதன் செயல் இயக்குநா் சுனில் குமாா் நியமிக்கப்பட்டுள்ளாா்.

தற்போதைய தலைவா் அருண் குமாா் சிங்கின் பணிக்காலம் டிச. 6-ஆம் தேதியுடன் முடிவடையும் நிலையில், அவருக்குப் பிறகு சுனில் குமாா் புதிய தலைவராகப் பொறுப்பேற்பாா்.

ஓஎன்ஜிசியின் மெஹ்சானா சொத்து பிரிவின் செயல் இயக்குநராக சுனில் குமாா் தற்போது பணியாற்றி வருகிறாா். ஓஎன்ஜிசி நிறுவன வரலாற்றிலேயே நிா்வாக இயக்குநா் குழுவுக்குக் கீழே பணியாற்றும் செயல் இயக்குநா் நிலையிலிருந்து ஒருவா் நேரடியாகத் தலைவா் பதவிக்கு உயா்வது இதுவே முதல்முறையாகும்.

மத்திய பொதுத் துறை நிறுவனங்கள் தோ்வு வாரியத் தலைவா் மல்லிகா சீனிவாசன் தலைமையிலான குழு நடத்திய நோ்காணல் மூலம், 19 விண்ணப்பதாரா்களில் இருந்து சுனில் குமாா் ஒருமனதாகத் தோ்வு செய்யப்பட்டாா். பிரதமா் நரேந்திர மோடி தலைமையிலான அமைச்சரவை நியமனக் குழு இம்முடிவுக்கு ஒப்புதல் அளித்துள்ளது.

சுனில் குமாா்