தமிழக ஆளுநராக ஆா்.வி.ஆா்லேகா் நியமனம்

தமிழகத்தின் முழுநேர ஆளுநராக ராஜேந்திர விஸ்வநாத் ஆா்லேகா் நியமிக்கப்பட்டுள்ளாா்.

தமிழக ஆளுநராக இருந்த ஆா்.என்.ரவி மேற்கு வங்க ஆளுநராக கடந்த மாா்ச் மாதம் மாற்றப்பட்டாா். இதையடுத்து கேரள ஆளுநராக இருந்த ஆா்.வி.ஆா்லேகருக்கு தமிழகத்தின் ஆளுநராகக் கூடுதல் பொறுப்பு அளிக்கப்பட்டது. இந்நிலையில், அவரை தமிழகத்தின் முழுநேர ஆளுநராக குடியரசுத் தலைவா் திரௌபதி முா்மு திங்கள்கிழமை நியமித்துள்ளாா்.

கேரளத்துக்கு புதிய ஆளுநா்: இதேபோல சிக்கிம் ஆளுநராக இருந்த ஓம் பிரகாஷ் மாத்துா் கேரள ஆளுநராக நியமிக்கப்பட்டுள்ளாா். ஜாா்க்கண்டை சோ்ந்த பாஜக மூத்த தலைவா் பிரஜ் மோகன் ராம் ஒடிஸா ஆளுநராக நியமனம் செய்யப்பட்டுள்ளாா். பாஜக ஆட்சிமன்றக் குழு உறுப்பினரும், முன்னாள் எம்.பி.யுமான ஹரியாணாவைச் சோ்ந்த சுதா யாதவ் கா்நாடக ஆளுநராக நியமனம் செய்யப்பட்டுள்ளாா்.

மத்திய பிரதேச முன்னாள் அமைச்சரும், முன்னாள் எம்.பி.யுமான பாஜகவைச் சோ்ந்த தால் சிங் பிசேன் உத்தரகண்ட் ஆளுநராக நியமிக்கப்பட்டுள்ளாா்.

பாஜக தேசிய பொதுச் செயலா் துஷ்யந்த் கெளதம் சிக்கிம் ஆளுநராக நியமிக்கப்பட்டுள்ளாா் என்று குடியரசுத் தலைவா் மாளிகையின் செய்திக்குறிப்பில் தெரிவிக்கப்பட்டுள்ளது.

முன்பு தமிழக ஆளுநராக இருந்த ஆா்.என். ரவிக்கும், முன்பு ஆட்சியில் இருந்து திமுகவுக்கும் இடையே மோதல் போக்கு நிலவியது. இதனால் சட்ட மசோதாக்களுக்கு ஒப்புதல் பெறுவதில் தாமதம் ஏற்பட்டது.

கடந்த மே 10-ஆம் தேதி தவெக அரசு அமைந்ததும் ஆளுநா் ஆா்லேகருக்கும், முதல்வா் விஜய்க்கும் இணக்கமான சூழல் நிலவுதால், 20-க்கும் மேற்பட்ட மசோதாக்களுக்கு அண்மையில் ஒப்புதல் அளிக்கப்பட்டது குறிப்பிடத்தக்கது.