8 மாவட்டங்களில் தடம் பதிக்க முடியாத தவெக!

தமிழகத்தில் 8 மாவட்டங்களில் தமிழக வெற்றிக் கழகத்துக்கு ஒரு தொகுதியில் கூட வெற்றி கிடைக்கவில்லை.

தவெக தலைவர் விஜய் - கோப்புப் படம்

Updated On :6 மே 2026, 1:36 am IST

தமிழகத்தில் 8 மாவட்டங்களில் தமிழக வெற்றிக் கழகத்துக்கு ஒரு தொகுதியில் கூட வெற்றி கிடைக்கவில்லை.

தமிழக சட்டப்பேரவைத் தோ்தலில் 108 தொகுதிகளில் தவெக வெற்றி பெற்று, தனிப்பெரும் கட்சியாக உருவெடுத்துள்ளது. திமுகவின் கோட்டையாகக் கருதப்படும் சென்னை மாவட்டத்துக்குள்பட்ட 16 தொகுதிகளில், 14 தொகுதிகளை தவெக கைப்பற்றியது. திமுகவால் 2 இடங்களில் மட்டுமே வெற்றி பெற முடிந்தது. முதல்வா் மு.க.ஸ்டாலின் 3 முறை வெற்றி பெற்ற கொளத்தூா் தொகுதியில், இந்த முறை தவெக வேட்பாளரிடம் அவா் தோல்வி அடைந்தாா்.

இதேபோல, திமுக, அதிமுக தரப்பில் வலுவான வேட்பாளா்கள் பலரையும் தவெக வீழ்த்தியுள்ளது. இருந்தபோதும், விழுப்புரம் (6 தொகுதிகள்), அரியலூா் (2 தொகுதிகள்), நாகப்பட்டினம் (3), மயிலாடுதுறை (3), திருவாரூா் (4), தென்காசி (5), கன்னியாகுமரி (6), நீலகிரி (3) என 8 மாவட்டங்களில் ஒரு தொகுதியைக் கூட தவெக பெற முடியவில்லை.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது