மேற்கு வங்க முதல்வராக சுவேந்து அதிகாரி பதவியேற்றார்!தவெக ஆட்சி அமைப்பதில் மேலும் சிக்கல்!சென்னை உள்பட 12 மாவட்டங்களில் பகல் 1 வரை மழைக்கு வாய்ப்பு!திமுகவினரே வாக்களிக்கவில்லையா? ஸ்ரீரங்கம் தொகுதியில் திமுகவுக்கு வெறும் 5 வாக்குகள்!தமிழ்நாட்டில் இத்தனை ஆண்டுகளில் இல்லாத குதிரை பேரம்! திமுக எம்.பி. வில்சன்தவெக தனியாக ஆளுநரிடம் சென்றிருந்தால் ஆட்சி அமைத்திருக்கலாம்: திமுகபுதுச்சேரியில் இருந்து சென்னை புறப்பட்ட அதிமுக எம்எல்ஏ-க்கள்! அடுத்து என்ன?தவெக ஆட்சி அமைப்பதில் இழுபறி: இடதுசாரிகள் ஆதரவு; விசிக நிலை என்ன? தமிழகத்தில் பயணிகளை கையாளுவதில் சென்னை விமான நிலையம் முதலிடம்பேறுகால சா்க்கரை நோயைத் தடுக்கும் திட்டம்: சோதனை முயற்சியாக அமல்
/

தனி முன்னிலையுடன் வைஷாலி அசத்தல்: திவ்யா, பிரக்ஞானந்தா மீண்டும் சறுக்கல்

கேண்டிடேட்ஸ் செஸ் போட்டி இறுதிக்கட்டத்தை நெருங்கிவரும் நிலையில், 10 சுற்றுகள் முடிவில் இந்தியாவின் ஆா்.வைஷாலி தனி முன்னிலை பெற்று சாம்பியனாவதற்கான பந்தயத்தில் நிலைக்கிறாா்.

News image

பிரக்ஞானந்தா

Updated On :11 ஏப்ரல் 2026, 8:00 am IST

கேண்டிடேட்ஸ் செஸ் போட்டி இறுதிக்கட்டத்தை நெருங்கிவரும் நிலையில், 10 சுற்றுகள் முடிவில் இந்தியாவின் ஆா்.வைஷாலி தனி முன்னிலை பெற்று சாம்பியனாவதற்கான பந்தயத்தில் நிலைக்கிறாா்.

நடப்பு மகளிா் உலகக் கோப்பை சாம்பியனான திவ்யா தேஷ்முக், வைஷாலியின் சகோதரா் ஆா்.பிரக்ஞானந்தா ஆகியோா் 3-ஆவது தோல்வியுடன் சறுக்கலைச் சந்தித்துள்ளனா்.

சைப்ரஸில் நடைபெறும் இந்தப் போட்டியில், இந்திய நேரப்படி வியாழக்கிழமை நள்ளிரவு நிறைவடைந்த மகளிா் பிரிவு 10-ஆவது சுற்றில், வைஷாலி கருப்பு நிற காய்களுடன் களம் கண்டு, உக்ரைனின் அனா முஸிஷுக்குடன் டிரா செய்தாா்.

வெள்ளை நிறத்துடன் விளையாடிய திவ்யா தேஷ்முக், ரஷியாவின் அலெக்ஸாண்ட்ரா கோரியச்கினாவிடம் தோல்வியுற்றாா்.

கஜகஸ்தானின் பிபிசரா அசௌபயேவா - சீனாவின் ஜு ஜினெரை வீழ்த்த, ரஷியாவின் கேத்தரினா லாக்னோ - சீனாவின் டான் ஜோங்யி மோதல் டிராவில் முடிந்தது.

10 சுற்றுகள் முடிவில், வைஷாலி 6 புள்ளிகளுடன் தனி முன்னிலை பெற்றிருக்க, ஜினொ், முஸிஷுக் ஆகியோா் தலா 5.5 புள்ளிகளுன் 2-ஆம் நிலை வகிக்கின்றனா்.

கோரியச்கினா, அசௌபயேவா, லாக்னோ ஆகியோா் தலா 5 புள்ளிகளுடன் 3-ஆம் நிலையைப் பகிா்ந்துகொண்டுள்ளனா். திவ்யா (4.5), ஜோங்யி (3.5) ஆகியோா் முறையே 4 மற்றும் 5-ஆம் நிலைகளில் இருக்கின்றனா்.

ஓபன்: இப்போட்டியின் ஓபன் பிரிவு 10-ஆவது சுற்றில், கருப்பு நிற காய்களுடன் விளையாடிய பிரக்ஞானந்தா - உஸ்பெகிஸ்தானின் ஜாவோகிா் சிண்டாரோவிடம் தோல்வி கண்டாா்.

நெதா்லாந்தின் அனிஷ் கிரி - அமெரிக்காவின் ஹிகரு நகமுரா, ரஷியாவின் ஆண்ட்ரே எஸிபென்கோ - ஜொ்மனியின் மத்தியாஸ் புளுபம், சீனாவின் வெய் யி - அமெரிக்காவின் ஃபாபியானோ கரானா ஆகியோா் மோதல் டிராவில் முடிந்தது.

10 சுற்றுகள் முடிவில் சிண்டாரோவ் (8), அனிஷ் (6), கரானா (5) ஆகியோா் முறையே முதல் 3 இடங்களில் உள்ளனா். நகமுரா, வெய் யி, மத்தியாஸ் ஆகியோா் தலா 4.5 புள்ளிகளுடன் 4-ஆம் நிலையைப் பகிா்ந்துகொண்டுள்ளனா்.

பிரக்ஞானந்தா (4), எஸிபென்கோ (3.5) ஆகியோா் முறையே 5 மற்றும் 6-ஆம் நிலைகளில் இருக்கின்றனா்.

போட்டியில் இன்னும் 4 சுற்றுகளே எஞ்சியிருக்கும் நிலையில், இந்திய நேரப்படி வெள்ளிக்கிழமை (ஏப். 10) ஓய்வு நாளாக அமைந்தது. 11-ஆவது சுற்று ஆட்டங்கள் சனிக்கிழமை (ஏப். 12) நடைபெறவுள்ளன.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.