அயர்லாந்து, இங்கிலாந்து தொடர்களிலிருந்து நிதீஷ் குமார் ரெட்டி விலகல்!

அயர்லாந்து மற்றும் இங்கிலாந்துக்கு எதிரான தொடர்களிலிருந்து காயம் காரணமாக நிதீஷ் குமார் ரெட்டி விலகியுள்ளார்.

இந்தியா - ஆப்கானிஸ்தான் இடையேயான ஒருநாள் தொடர் நிறைவடைந்ததையடுத்து, இந்திய அணி டி20 தொடர்களில் விளையாடுவதற்காக அயர்லாந்து மற்றும் இங்கிலாந்து அணிகளுக்கு சுற்றுப்பயணம் மேற்கொள்கிறது. இந்திய அணி அயர்லாந்துக்கு எதிரான டி20 தொடரில் முதலில் விளையாடுகிறது.

இந்த நிலையில், அயர்லாந்து மற்றும் இங்கிலாந்து அணிகளுக்கு எதிரான டி20 தொடர்களுக்கான இந்திய அணியிலிருந்து காயம் காரணமாக ஆல்ரவுண்டர் நிதீஷ் குமார் ரெட்டி விலகியுள்ளார்.

காயம் காரணமாக விலகியுள்ள நிதீஷ் குமார் ரெட்டிக்குப் பதிலாக மாற்று வீரராக சூர்யான்ஷ் ஜெட்ஜ் அணியில் சேர்க்கப்பட்டுள்ளார்.

ஆப்கானிஸ்தானுக்கு எதிரான கடைசி ஒருநாள் போட்டியின்போது, நிதீஷ் குமார் ரெட்டிக்கு காயம் ஏற்பட்டுள்ளது. அவர் காயத்திலிருந்து குணமடைய குறைந்த 4 வாரங்களாவது ஆகும் என பிசிசிஐ மருத்துக் குழு தரப்பில் தெரிவிக்கப்பட்டுள்ளது.

23 வயதாகும் நிதீஷ் குமார் ரெட்டி இந்திய அணிக்காக 10 டெஸ்ட், 6 ஒருநாள் மற்றும் 4 டி20 போட்டிகளில் விளையாடியுள்ளது குறிப்பிடத்தக்கது.