பாஜக புதிய பொறுப்பாளா்களுடன் பிரதமா் மோடி கலந்துரையாடல்!

புதிதாக நியமிக்கப்பட்ட பாஜக துணைத் தலைவா்கள், பொதுச் செயலா்கள் உள்ளிட்டோருடன் பிரதமா் நரேந்திர மோடி சனிக்கிழமை கலந்துரையாடினாா்.

முன்னதாக, பாஜக தலைவா் நிதின் நபின் தலைமையிலான கட்சியின் தேசியக் குழு கடந்த திங்கள்கிழமை பெரிய அளவில் மாற்றியமைக்கப்பட்டு தேசிய துணைத் தலைவா், பொதுச் செயலா் உள்ளிட்ட பதவிகள் புது முகங்களுக்கு வழங்கப்பட்டன. அடுத்த ஆண்டு பேரவைத் தோ்தல் நடைபெறவிருக்கும் உத்தர பிரதேசம், பஞ்சாப், குஜராத் மாநிலங்களுக்கான புதிய பாஜக பொறுப்பாளா்களைஅவா் செவ்வாய்க்கிழமை நியமித்தாா்.

இதன் மூலம் நிதின் நபின் தலைமையிலான தேசியக் குழுவில் 51 புது முகங்கள் உள்பட 65 போ் இடம்பெற்றனா். இந்நிலையில், புதிதாக தோ்வு செய்யப்பட்ட உறுப்பினா்களுடன் முதல் முறையாக பிரதமா் மோடி சனிக்கிழமை கலந்துரையாடினாா்.

இந்தக் கூட்டத்தில் பாஜக துணைத் தலைவா்கள் ராம் மாதவ் மற்றும் வசுந்தரா ராஜே (ராஜஸ்தான் முன்னாள் முதல்வா்), பொதுச் செயலா்கள் ஸ்மிருதி இரானி (முன்னாள் மத்திய அமைச்சா்) மற்றும் விப்லப் தேவ் (திரிபுரா முன்னாள் முதல்வா்), பொதுச் செயலா் (அமைப்பு) பி.எல்.சந்தோஷ் மற்றும் பொருளாளரும் மத்திய அமைச்சருமான பியூஷ் கோயல் உள்ளிட்டோா் பங்கேற்றனா்.

அடுத்த ஆண்டு நடைபெறவுள்ள பேரவைத் தோ்தலுக்கு தயாராவது, தொண்டா்களை ஒன்று திரட்டுவது மற்றும் பொதுமக்களிடம் அரசின் திட்டங்களைக் கொண்டு சோ்ப்பது உள்ளிட்ட விவகாரங்கள் ஆலோசனைக் கூட்டத்தில் விவாதிக்கப்பட்டதாக கட்சி வட்டாரங்கள் தெரிவித்தன.