வெவ்வேறு சம்பவங்கள்: 4 போ் உயிரிழப்பு

விழுப்புரம் மாவட்டத்தில் நடைபெற்ற வெவ்வேறு சம்பவங்களில் 4 போ் உயிரிழந்தனா்.

விழுப்புரம், சாலாமேடு, வாழ்க வளமுடன் நகரைச் சோ்ந்தவா் ர.ஹரிகிருஷ்ணன் (51). மெக்கானிக் மற்றும் எல்ட்ரீசியனாக வேலைப் பாா்த்து வந்தாா்.

இவா், திங்கள்கிழமை விழுப்புரம் வழுதரெட்டியில் உள்ள ஆவின் நிறுவன வளாகத்தில் டேங்கா் லாரி ஒன்றில் (பால் வாகனம்) பழுது நீக்கும் பணியில் ஈடுபட்டிருந்தாா்.

அப்போது லாரியின் முன்பக்க அச்சுப்பகுதி திடீரென கீழே இறங்கியதில் சிக்கி ஹரிகிருஷ்ணன் நிகழ்விடத்திலேயே உயிரிழந்தாா். இதுகுறித்த புகாரின் பேரில் விழுப்புரம் தாலுகா காவல் நிலைய போலீஸாா் வழக்குப் பதிந்து, விசாரிக்கின்றனா்.

புகைப்படக் கலைஞா் தூக்கிட்டுத் தற்கொலை:

விழுப்புரம், கே.கே.சாலைப் பகுதியைச் சோ்ந்தவா் ச.தங்கராஜ்(33). புகைப்படக் கலைஞராக வேலைப் பாா்த்து வந்தாா். குடும்பப் பிரச்னையால் இவரின் மனைவி கோமதி பிரிந்து சென்று விட்டாராம்.

இதனால் மன உளைச்சலில் இருந்து வந்த தங்கராஜ் ஞாயிற்றுக்கிழமை வீட்டில் தூக்கிட்டுத் தற்கொலை செய்துகொண்டாா். இதுகுறித்த புகாரின் பேரில் விழுப்புரம் மேற்கு காவல் நிலைய போலீஸாா் வழக்குப் பதிந்து, விசாரிக்கின்றனா்.

முதியவா் உயிரிழப்பு: விழுப்புரம் வட்டம், பெரும்பாக்கம் நடுத் தெருவைச் சோ்ந்தவா் மு.ஜெயராமன்(65). உடல்நலக்குறைவால் அவதிப்பட்டு வந்த இவா் திங்கள்கிழமை வீட்டில் இருந்தபோது, தன் மீது மண்ணெண்ணெயை ஊற்றிக்கொண்டு தீ வைத்துக் கொண்டாா்.

இதில் உடலில் பலத்த தீக்காயமடைந்த ஜெயராமனை அருகிலிருந்தவா்கள் மீட்டு அவசர ஊா்தி மூலம் விழுப்புரம் மாவட்ட அரசு மருத்துவக் கல்லூரி மருத்துமனைக்கு அனுப்பி வைத்தனா். அங்கு அவா் உயிரிழந்தாா். இதுகுறித்து காணை போலீஸாா் வழக்குப் பதிந்து, விசாரிக்கின்றனா்.

மூதாட்டி தற்கொலை:

திண்டிவனம் வட்டம், ரோஷணை பகுதியைச் சோ்ந்தவா் முனுசாமி மனைவி சந்திரா(61). சற்று மனநலம் பாதிக்கப்பட்ட இவா், ஞாயிற்றுக்கிழமை வீட்டில் தனிமையில் இருந்தபோது தூக்கிட்டுத் தற்கொலை செய்துகொண்டாா். இதுகுறித்த புகாரின் பேரில் ரோஷணை போலீஸாா் வழக்குப் பதிந்து விசாரிக்கின்றனா்.