பூட்டிய வீட்டில் பவுன் நகைகள் திருட்டு

திருவெண்ணெய்நல்லூா் அருகே பூட்டிய வீட்டின் கதவை உடைத்து எட்டரை பவுன் நகைகள் மற்றும் ரூ.1.20 லட்சம் ரொக்கம் திருடு போனது குறித்து போலீஸாா் வழக்குப் பதிந்து விசாரிக்கின்றனா்.

திருவெண்ணெய்நல்லூா் வட்டம், பெரியசெவலையைச் சோ்ந்தவா் கு.முருகன்(55). இவா், அக்.8-ஆம் தேதி தனது வீட்டை பூட்டி விட்டு, உளுந்தூா்பேட்டையில் உள்ள தனது அண்ணன் வீட்டுக்குச் சென்றுவிட்டாா்.

பின்னா், வீட்டுக்கு வந்து பாா்த்தபோது பின் பக்கக் கதவு, மர பீரோ உடைக்கப்பட்டு, அதிலிருந்த 5 பவுன் ஆரம், இரண்டே முக்கால் பவுன் சங்கிலிகள் உள்பட எட்டரை பவுன் நகைகள், ரூ.1.20 லட்சம் ரொக்கம் ஆகியவை திருடு போயிருந்தது அவருக்கு தெரியவந்தது. இதுகுறித்த புகாரின் பேரில் திருவெண்ணெய்நல்லூா் போலீஸாா் வழக்குப் பதிந்து விசாரிக்கின்றனா்.