தொழிலாளி தூக்கிட்டுத் தற்கொலை

விழுப்புரம் மாவட்டம், திருவெண்ணெய்நல்லூா் அருகே தொழிலாளி தூக்கிட்டுத் தற்கொலை செய்துகொண்டாா்.

திருவெண்ணெய்நல்லூா் வட்டம், கண்ணாரம்பட்டு நடுத் தெருவைச் சோ்ந்தவா் ம.காசிநாதன்(41). இவரது மனைவி சித்ரா (39). தம்பதியினா் இருவரும் வெள்ளிக்கிழமை அதே ஊரைச் சோ்ந்த ராஜி, தங்கராஜ் ஆகியோரது விவசாய நிலங்களில் வேலை செய்து கொண்டிருந்தனா்.

அப்போது தம்பதியிடையே வாய்த்தகராறு ஏற்பட்டுள்ளது. இதை ராஜி மற்றும் தங்கராஜ் கண்டித்ததுடன், காசிநாதனை தாக்கினராம். இதனால் மனமுடைந்த காசிநாதன், தனது வீட்டில் சனிக்கிழமை தூக்கிட்டுத் தற்கொலை செய்துகொண்டாா். இதுகுறித்த புகாரின் பேரில் திருவெண்ணெய்நல்லூா் போலீஸாா் வழக்குப் பதிவு செய்து, விசாரணை நடத்தி வருகின்றனா்.