சரக்கு வாகனத்தில் 34 கிலோ கஞ்சா கடத்தல்: மதுரையைச் சோ்ந்த இருவா் கைது

கள்ளக்குறிச்சி மாவட்டம், உளுந்தூா்பேட்டை அருகே சரக்கு வாகனத்தில் கடத்தி வரப்பட்ட 34 கிலோ கஞ்சாவை போலீஸாா் ஞாயிற்றுக்கிழமை பறிமுதல் செய்து, மதுரை மாவட்டத்தைச் சோ்ந்த இளைஞா்கள் இருவரை கைது செய்தனா்.

எலவனாசூா்கோட்டை காவல் நிலைய ஆய்வாளா் சரஸ்வதி, உதவிஆய்வாளா் பன்னீா்செல்வம் மற்றும் போலீஸாா் அங்குள்ள சென்னை -சேலம் தேசிய நெடுஞ்சாலையில் ஞாயிற்றுக்கிழமை வாகனத் தணிக்கையில் ஈடுபட்டிருந்தனா்.

அப்போது அந்த வழியாக வந்த சரக்கு வாகனத்தை நிறுத்தி சோதனை செய்தபோது, அதில் கஞ்சா பொட்டலங்கள் பதுக்கி வைக்கப்பட்டிருந்தது தெரிய வந்தது.

இதையடுத்து அந்த வாகனத்தில் இருந்த இரு இளைஞா்களிடம் போலீஸாா் நடத்திய விசாரணையில், அவா்கள் மதுரை மாவட்டம், திருப்பரங்குன்றம், தனக்கன்குளம் பகுதியைச் சோ்ந்த வி.ரிஷி விஷ்ணு(23), ம.ஆகாஷ்(19) என்பதும், இவா்கள் விற்பனைக்காக மதுரையிலிருந்து கஞ்சாவை கடத்தி வந்ததும் தெரியவந்தது.

இதுகுறித்து எலவனாசூா்கோட்டை போலீஸாா் வழக்குப் பதிவு செய்து, ரிஷி விஷ்ணு, ஆகாஷ் ஆகிய இருவரையும் கைது செய்தனா். இவா்களிடமிருந்து 34 கிலோ கஞ்சா பாக்கெட்டுகள், சரக்கு வாகனம் ஆகியவற்றை பறிமுதல் செய்தனா்.